Emner: AHKR391 Forskningsfordypning etter mastergrad - Høst 2014
Studiepoeng
15.0Studienivå (studiesyklus)
Post master
Undervisningsspråk
Undervisningssemester
Haust
Undervisningsstad
Bergen
Mål og innhald
Element som inngår i emnet er
1. å bli kjend med vitskapleg publisering, særlig vitskaplege tidsskrift
2. å øve fagfellevurdering av vitskaplege artiklar
3. å produsere ein vitskapleg artikkel på basis av masteroppgåva som skal kunne sendast inn til eit vitskapleg tidsskrift
4. å lage ein konferansepresentasjon på basis av masteroppgåva
5. å arbeide med søknadar til eit forskingsprosjekt
Læringsutbyte
Kunnskapar
Studenten har avanserte kunnskapar om vitskaplege publiseringsorgan, publiseringspraksis, skriveprosessen og fagfellevurdering av artiklar og søknader.
Ferdigheter
Studenten kan skrive ein forskingssøknad og ein vitskapleg artikkel og har erfaring i fagfellevurdering og i å førebu og presentere eit eige paper i ein konferansesamanheng.
Generell kompetanse
Studenten kan ordlegge seg klart, tydeleg og målfokusert, strukturere sine tankar og komme med kritisk tilbakemelding til andre sitt arbeid.
Krav til forkunnskapar
Mastergrad i arkeologi, historie, kulturvitskap, religionsvitskap eller region og regionalisering, med karakteren B eller betre på masteroppgåva.
Tilrådde forkunnskapar
Krav til studierett
Emnet er ope for alle med mastergrad og ein gyldig studierett ved UiB
Undervisningsformer og omfang av organisert undervisning
Undervisninga skjer i form av førelesingar og seminar, normalt minimum 3 dobbeltimar førelesing og 5 seminarsamlingar der studentane får øving i konferansepresentasjon og arbeidet med tekstane omtalt under «Mål og innhald». I tillegg vert det tilbydd individuell rettleiing etter behov og ressursar.
Obligatorisk undervisningsaktivitet
- Deltaking på seminarsamlingar (minst 75 prosent)
- Godkjend fagfellevurdering av medstudentars artiklar
- Kommentering av medstudentar sine presentasjonar og søknadar.
Vurderingsformer
Vitskapleg artikkel som er klar til å bli sendt inn til eit vitskapleg tidsskrift.
Karakterskala
Greidd/ikkje greidd
Fagleg overlapp
Litteraturliste
Pensum omfattar ein eller fleire bøker om akademisk skriving/publisering og eit utval av 5 artiklar som nyleg har blitt publiserte i fleire relevante vitskaplege tidsskrift. Det vert og forventa at studentane les og kommenterer kvarandre sine arbeid.
Emneevaluering
Studentane vil med jamne mellomrom bli bedne om å evaluera emnet.
Kontaktinformasjon
Studierettleiar@ahkr.uib.no
Institutt
Institutt for arkeologi, historie, kultur- og religionsvitskap