Norsk

Haust

Studentane skal gjennom kurset tileigne seg kunnskap om sentrale grunntema i faget. Det vil bli lagt vekt på å få fram:

• særtrekk ved den historiske utviklinga av ulike perspektiv i faget, i skjeringsfeltet mellom organisasjon/administrasjonsforsking og statsvitskap/offentleg politikk
• korleis denne analysemåten artar seg på ulike utvalde empiriske og tematiske nedslagsfelt
• sentrale forklaringsmodellar med vekt på organisasjon

Gjennom introduksjon av sentrale faglege tema skal studentane øvast opp til å bruke organisasjon og organisering som forklaringsfaktor i analyse av forskingsresultat frå empiriske undersøkingar av sektorar i offentleg politikk.

Etter å ha gjennomført emnet skal studenten kunne:

• gjere greie for norske politiske og administrative institusjonar
• Bruke teoriar om politikk og administrasjon til å analysere desse institusjonane.
• Gi ei oversikt over sentrale perspektiv i faget, som ligg i skjeringsfeltet mellom organisasjonsforsking og statsvitskap.
• Gi ei oversikt over sentrale forklaringsmodellar med vekt på organisasjon.

Generell studiekompetanse eller opptak på bakgrunn av realkompetanse

Ingen

Førelesningar og seminar. Det vert omkring 12-16 førelesningar og 8-12 seminarsamlingar.

Skriftleg oppgåve. Obligatorisk arbeidskrav som er godkjende har inga tidsavgrensing.

4 timar skriftleg eksamen

For å få ein bachelorgrad ved Det samfunnsvitskaplige fakultet må minimum 10 / maksimum 20 studiepoeng innføringsemne/exfac-emne vere avlagt (utanom ex.phil.). SV-fakultetet har følgjande innføringsemne/exfac-emne: SV100, AORG100, ECON100, GEO100, GLOB101, INFO100, MEVI100, SAMPOL100, SANT101 og SOS100. Exfac-emne frå andre fakultet/institusjonar gir fritak for dette gradskravet.

Emne vert evaluert kvart 3. studieår.

studieveileder@aorg.uib.no