Studiet i teknologileiing skal gi grunnleggjande og generell innføring i organisasjon og leiing av verksemder prega av teknologi og som er konkurranseutsette og kundeorienterte.
Opplegget skal trene studentane i å tenke analytisk omkring eigen arbeidspraksis med utgangspunkt i moderne organisasjonsteori og utvikle evne til å sjå og føreslå konkrete forbetringstiltak på felt der dette er aktuelt. Utveksling og diskusjon av erfaringsmateriale er ein viktig del av læringsprosessen. Gjennom dette arbeidet ønskjer ein og å fremme studentanes generelle evne til å tematisere og kommunisere om slike erfaringar.
Etter å ha fullført emnet skal studenten kunne:
- gjere greie for kor viktig, organisasjon, organisering og leiing er på alle nivå og samanhengar i norske produksjonsverksemder.
- forklare sentrale tema som: organisasjonsformer, leiing, vedtaksprosessar, endring, tilpassing, innovasjon, kommunikasjon, læring og strategitenkning.
- anvende viktige analyseverktøy (til dømes SWOT analyse) på eigen organisasjon og arbeidsplass og på dette grunnlag kunne foreslå konkrete forbetringstiltak på aktuelle område.
- Forklare dei allmenne kulturelle, organisatoriske, politiske og samfunnsmessige rammene for organisasjon og leiing og drøfte relevansen av dette (både som moglegheit og utfordringar) sett opp mot si eiga verksemd.
Medlemmer av FTL med formell studiekompetanse eller såkalla realkompetanse.
Studentane tas opp på bakgrunn av forkunnskapar og erfaringar i arbeidslivet som vurderast som naudsynte og relevante for å nyttiggjøre seg studietilbodet. Ansvarlege for opptaket er IAO. Det tildeles avgrensa studierett. Dette inneber at retten til å studere ved universitetet er kopla opp mot dette studietilbodet.