Dette er eit tilbod til studentar som skal halde fram i grunnopplæringa i moderne standardarabisk. Emnet byggjer på ARA112. Studentane skal styrke lytte-, lese- og skrivedugleik. Studentane skal tileigne seg eit solid grunnlag i moderne arabisk grammatikk, og skaffe seg basiskunnskapar i munnleg MSA.
Emnet er ein obligatorisk del av spesialiseringa i arabisk.
Etter fullført emne:
- har studentane eit ordforråd på ca. 2000 ord
- kan studentane lese, omsetje og gjengi innhaldet i tilpassa autentiske tekstar i ulike sjangrar ved hjelp av ordbok
- kan studentane delta i samtalar om kjende tema i normalt tempo på moderne standard arabisk (MSA)
- kan studentane skrive enkle stilar og e-poster på arabisk ved hjelp av ordbok.
- har studentane ei oversikt over alle hovudemne i arabisk grammatikk
- kan studentane orientere seg på arabiskspråklege internettsider og hente ut nødvendig informasjon derifrå.
ARA113 omfattar minst 6 kontakttimar i veka i 12 veker med aktiv undervisning. Til saman vil talet på kontakttimar bli om lag 72.
Undervisinga blir gitt i form av førelesingar, gruppeundervising og munnlege og skiftlege øvingar knytt til læreboka og kompendia.
Det blir kravd at studentane deltek på minimum 27 av 36 førelesingar/øvingar for å få gå opp til vurdering i emnet.
Studentane skal levere 2 skriftlege øvingsoppgåver knytt til leksjonane i læreboka. Studentane skal også gjennomføre ei lytteprøve og ei munnleg prøve.
Alle obligatoriske arbeidskrav må vere bestått i same semester.
Ingen hjelpemiddel er tillatne ved eksamen.
Studierettleiar: studierettleiar@if.uib.no
Eksamensadministrasjon: eksamen@if.uib.no