Målsetjinga er at studentane skal få ei vidareføring av spørsmål og metodar i språkvitskap som blei introduserte i emnet ARA115. Undervisninga førebur studentane på semesteroppgåva.
Semesteroppgåva kan behandle spørsmål frå følgjande område: klassisk og moderne standardarabisk og dei noverande dialektane, diglossi, skilnader i skriftleg og tala standardarabisk, , språkpolitikk i arabisktalande land, tilpassinga av standardspråket til moderne behov og språksituasjonen generelt i Midtausten.
Emnet er ein obligatorisk del av spesialiseringa i arabisk.
Det blir kravd at studentar har faglege føresetnader på linje med ARA100, ARA111, ARA112, ARA113, 115 og ARA211 eller tilsvarande.
ARA252 omfattar 4 kontakttimar i veka i 6 veker med aktiv undervisning. Til saman vil talet på kontakttimar bli om lag 24.
Dei siste seks vekene av semesteret blir vigde til ferdigskriving av oppgåva. Kvar student har rett på fire timar med rettleiing.
Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen 1. februar/1. september.
Det blir kravd at studentane deltek på minimum 18 av 24 timar for å få gå opp til vurdering i emnet.
I tillegg er det obligatorisk å levera eit utkast av oppgåva til rettleiing og å møte til ei rettleiing i løpet av semesteret. Dei obligatoriske arbeidskrava er godkjende i t.o.m. eitt semester etter undervisningssemesteret.
Godkjenninga av obligatoriske arbeidskrav er gyldig i undervisningssemesteret og det påfølgjande semesteret.
Vurderinga er ei rettleidd semesteroppgåve på 4000- 6000 ord med justerande munnleg eksamen. Oppgåver blir gitt av faglærar med tema frå eit av områda i emneomtalen. I fastsetjinga av karakteren vil den munnlege eksamenen justere den skriftlege oppgåva.
Vurderingsforma rettleidd oppgåve med munnleg eksamen fyller kravet til det sjølvstendige arbeidet som skal gå inn i ein bachelorgrad.
Lærebøker og digitale ressursar tilpassa kursopplegget.
Litteraturlista vil vere klar innan 01.06. for haustsemesteret og 01.12. for vårsemesteret.