Mål
Målet for studiet er å gi studentane kunnskapar i nordisk språk og litteratur frå eldre og nyare tid, forståing av språket og litteraturen som ein sentral del av den nasjonale kulturen og av samspelet mellom språk, litteratur og samfunn. Hovudvekta ligg på norsk språk. Utanom norsk (bokmål og nynorsk) femner dei nordiske språka om dansk, svensk, islandsk og færøysk.

Reint praktisk skal studiet gi grunnlag for betre skriveferdigheiter i både bokmål og nynorsk og kompetanse for undervisning i ulike skuleslag (i kombinasjon med praktisk-pedagogisk utdanning) og for arbeid med språklege og litterære emne i andre yrkestilhøve.

Innhald
I løpet av studiet vil studentane lese norske og nordiske tekstar, og få auka innsikt i språkhistorie frå urnorsk til moderne norsk, ei betre forståing av grammatikk og omfangsrik ordkunnskap. Studentane vil bli kjende med norsk som både første- og andrespråk, og geografisk og sosial talemålstradisjon. I tillegg til å bli kjende med litteraturhistorie og dei skjønnlitterære hovudsjangrane, vil studentane også lese dagsaktuelle tekstar som går rett inn i samfunnsdebatten.

Læringsutbytte

Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:

Kunnskapar

Kandidaten

• har brei og grundig kunnskap om det norske språksystemet, norsk språkbruk, norske språkrelaterte samfunnstilhøve, norsk språkhistorie og norske dialektar
• har noko kjennskap til tilsvarande forhold som gjeld norrønt språk og dei andre levande nordiske språka (dansk, svensk, islandsk og færøysk)
• har godt oversyn over nordisk, særleg norsk, skjønnlitteratur frå norrøn tid til samtida
• har god innsikt i sentrale nordiske forfattarskapar
• har brei og grundig kunnskap om dei episke, lyriske og dramatiske hovudsjangrane og viktige undersjangrar av dei
• kan skilje sakprosa frå andre litterære sjangrar, og gjere greie for viktige undergrupper av sakprosa
• har kjennskap til ulike prinsipp for litteraturhistorieskriving

Ferdigheiter

Kandidaten

• kan skrive bokmål og nynorsk korrekt og godt
• kan skrive velformulerte og samanhengande skildrande, resonnerande og argumenterande tekstar om nordisk språk og litteratur
• kan analysere og drøfte språklege og litterære problemstillingar på ein fagleg måte
• kan hente inn fagleg informasjon og vurdere han kritisk
• kan gi opplæring og rettleiing til elevar, studentar og andre i norsk språksystem, språkbruk og tekstleg utforming

Generell kompetanse

Kandidaten

• kan kommunisere med fagfolk og allmenta om faglege problemstillingar frå nordistikken
• kan arbeide aktivt for å styrke sine eigne kunnskapar og ferdigheiter i faget
• kan nytte sin kombinasjon av fag i spesialisering og frie studiepoeng i vidare utdanning eller yrkesplanar
• kan planlegge og gjennomføre eit forskingsarbeid av avgrensa omfang

Gode kunnskapar og skriftlege ferdigheiter i bokmål og nynorsk, helst karakteren 4 eller betre frå vidaregåande skule.

Gode leseferdigheiter i engelsk.

Examen philosophicum EXPHIL-HFSEM seminarmodellen (10 sp.) eller EXPHIL-HFEKS skuleeksamen (10 sp.)

EXFAC00SK Språkkunnskap (10 sp.) eller EXFAC00AS

NORD100 Innføring i nordistikk (10 sp.)

EXPHIL

Innføringsemne: anten EXFAC00SK eller EXFAC00AS

NORD100

NOLI102

NOLI103

NOSP104

NOSP105

NOSP106

Eitt av alternativa:

NOLI250

NOSP256

NOSP257

Eitt av alternativa:

NOLI216

NOLI220

NOLI250

NOSP216

NOSP217

NOSP218

NOSP256

NOSP257

emne på 15 stp. på bachelornivå med kode på ISL, LEX, NOFI eller NORAN (men ikkje NORAN###)

Bachelorprogrammet skal innehalde ei fagleg spesialisering på 90 studiepoeng. Spesialiseringa er sett saman av 60 studiepoeng på 100-nivå og 30 studiepoeng på 200-nivå. Spesialiseringa skal innehalde eit emne med bacheloroppgåve..

NOLI102 (15 sp.)

NOLI103 (15 sp.)

NOSP104 (15 sp.)

NOSP105 (10 sp.)

NOSP106 (5 sp.)

Eitt av alternativa:

NOLI250 (15 sp.)

NOSP256 (15 sp.)

NOSP257 (15 sp.)

Eitt av alternativa:

NOLI216 (15 sp.)

NOLI220 (15 sp.)

NOLI250 (15 sp.)

NOSP216 (15 sp.)

NOSP217 (15sp.)

NOSP218 (15 sp.)

NOSP256 (15 sp.)

NOSP257 (15sp.)

emne på 15 stp. på bachelornivå med kode på ISL, LEX, NOFI eller NORAN (men ikkje NORAN###)

Studenten kan velje valemne eller såkalla frie studiepoeng i ein bachelorgrad, fritt blant https://uib.no/emnealle emne ved Universitetet i Bergen så framt det er plass og studenten har opptaks- og forkunnskapskrava som gjeld for emnet. Ein kan også bruke emne ein har fullført tidlegare som frie studiepoeng i ein bachelorgrad. Innføringsemne eller EXPHIL kan ikkje brukast som frie studiepoeng.

Snakk med studierettleiar om du er usikker på korleis du vil legge opp valemna dine. Ein tilrår generelt at studenten vel emne med tanke på si vidare utdanning eller yrkesplanar.

Dersom ein planlegg ein karriere som lærar, bør ein ta omsyn til dette ved val av frie emne.

Studieløpet i bachelorprogrammet i nordisk språk og litteratur kan til dømes sjå slik ut:

1. semester (haust)

• Examen philosophicum (10 sp.)
• EXFAC00SK Språkkunnskap (10 sp.) eller EXFAC00AS Akademisk skriving (10 sp.)
• NORD100 Innføring i nordistikk (10 sp.)

2. semester (vår)

• NOLI102 Litteratur etter 1900 (15 sp.)
• NOSP104 Språksystem og språkbruk (15 sp.)

3. semester (haust)

• NOLI103 Den eldre litteraturen (15 sp.)
• NOSP105 Språkhistorie og talemål (10 sp.)
• NOSP106 Den nordiske språkgreina (5 sp.)

4.-5. semester (vår og haust)

• https://www.uib.no/studier/BAHF-NOLIS/plan#delstudium-i-utlandetDelstudium i utlandet og/eller andre https://www.uib.no/studier/BAHF-NOLIS/plan#tilr-dde-valemnevalfrie emne (60 sp. til saman)

6. semester (vår)

• Eit utval av dei alternative obligatoriske spesialiseringsemna og bacheloroppgåve (30 sp. til saman)

Ei generell tilråding er at ein bør ha fullført 60 studiepoeng på 100-nivå før ein tar fatt på 200-nivå. Sjå https://www.uib.no/studier/BAHF-NOLIS/tabelltabell for detaljerte opplysingar om kvart emne. Snakk med studierettleiar om du treng råd rundt studieløpet ditt.

Det er mogleg å ta delar av studiet i utlandet, og universitetet har utvekslingsavtalar med mange institusjonar over det meste av verda. Det er viktig at ein finn ein institusjon med eit fagtilbod som passar for den einskilde studenten, og valet av utanlandsopphald blir gjort i samråd med studierettleiaren.

https://www.uib.no/student/48724/slik-reiser-du-p%25C3%25A5-utvekslingLes meir om utveksling.

https://www.uib.no/studier/BAHF-NOLIS/utvekslingSjå anbefalte utvekslingsavtalar for dette studieprogrammet.

Undervisninga omfattar førelesingar og ulike former som legg til rette for studentaktivitet: seminar, oppgåveseminar, kollokvium.

På ein del emne skriv studentane oppgåver som dei får tilbakemelding på frå faglæraren, og på somme emne bidreg studentane til undervisninga ved å få ansvar for avgrensa delar av pensumet.

Ved sensur kan det bli nytta ein av to karakterskalaer:

1) Karakterskala A-F

2) Bestått/ikkje bestått

For meir detaljert informasjon, sjå emneplanen for det einskilde emnet.

Utdanningar ved Det humanistiske fakultet gir mange ulike moglegheiter i arbeidsmarknaden avhengig av kva for emne den einskilde studenten har i graden sin, men også kva for interesser og engasjement studenten har i tillegg til graden. Kompetanse i språk og litteratur er etterspurd i mange ulike yrke og bransjar, både private og offentlege. Arbeidsgivarar treng tilsette som skriv gode norske tekstar og tenker strukturert, og som har kunnskap om tekst. Interessa for norsk språk, litteratur og kultur er dessutan aukande i utlandet.

Alle bransjar treng tekst- og språkkompetente tilsette, med evne til språkleg formidling og til vurdering og utvikling av tekst. Fleire med bachelorgrad i nordisk språk og litteratur jobbar innafor:

• læraryrket (sjå eigne krav for opptak til PPU)
• bok- og forlagsbransjen
• journalistikk
• administrasjon og offentleg forvalting
• kulturformidling
• bibliotek
• kommunikasjonsbransjen

Om ein vel å gå vidare med mastergrad kan studentane kvalifisere seg for vidare studium og til forsking, formidling og undervisning på høgare nivå.

https://www.uib.no/hf/24361/infosenteret-ved-hfTa gjerne kontakt med studierettleiar på programmet dersom du har spørsmål: studierettleiar.lle@uib.no

Tlf: 55 58 24 00