Studieprogram: BAHF-TEAT Bachelorprogram i teatervitenskap - Høst 2018
Namn på grad
Bachelor i teatervitskap
Omfang og studiepoeng
Bachelorprogrammet i teatervitskap har eit omfang på 180 studiepoeng og er normert til tre år.
Fulltid/deltid
Programmet er organisert som eit fulltidsstudium, men kan etter melding til instituttet også takast som eit 50 % deltidsstudium.
Undervisningsspråk
Normalt norsk, med mindre anna er opplyst i emneplanen for det einskilde emnet i utdanninga.
Studiestart - semester
Haust
Mål og innhald
Bachelorstudiet i teatervitskap gir ein grunnleggjande og brei akademisk innføring i teater og teateret sine føresetnader og uttrykksformer i skiftande tidsepokar, frå antikken og fram til vår eiga tid. Studiet set fokus på teateret sine ulike element og korleis desse blir sett saman til den ferdige teaterproduksjonen som presenterast for eit publikum. Den samfunnsmessige samanhengen som teaterframsyninga er ein del av er også viktig for forståinga, og teaterframsyningar blir gjennom studiet kontekstualisert i høve til den kulturen og historia dei er del av. Kunnskap om teaterhistorie og dei ulike sider av teaterproduksjon gir studentane ei grunnleggjande vitskapeleg forståing for teater og setter dei i stand til å forstå og analysere teater frå deira eiga samtid. Studiet omfattar emne innan teaterhistorie, teaterteori, skodespelarkunst, dramaturgi, regikunst, forestillingsanalyse og teaterkritikk.
Læringsutbyte
Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:
Kunnskapar
Kandidaten
- har brei kunnskap om teateret si historie
- har gode kunnskapar om dei systematiske områda i teatervitskapen: skodespelarkunst, dramaturgi og regikunst
- har grunnleggjande kunnskapar om teaterteoriar
- har grunnleggjande kunnskapar om teatervitskaplege analyse- og forskingsmetodar
Ferdigheiter
Kandidaten
- kan formulere ein akademisk tilfredsstillande utgreiing om eit emne innom europeisk teaterhistorie
- kan analysere ei teaterframsyning i høve til virkemiddelbruk, dramaturgi og kulturell kontekst
- kan lage ein dramaturgisk analyse av ein teatertekst
- kan gi ei akademisk tilfredsstillande utgreiing om eit teaterteoretisk emne
Generell kompetanse
Kandidaten
- kan formulere skriftleg analyse og kritikk av ei teaterframsyning
- kan drøfte problemstillingar innan teaterforsking, praktisk teater og teaterpolitikk
- kan drøfte nye teaterrelaterte problemstillingar og kome med løysingsforslag
Opptakskrav
Generell studiekompetanse eller realkompetanse.
Tilrådde forkunnskapar
Ingen
Innføringsemne
Det første semesteret i bachelorprogrammet i teatervitskap skal innehalde 10 studiepoeng Examen philosophicum og 20 studiepoeng Examen facultatum:
- EXPHIL Examen philosophicum (10 sp)
- EXFAC00AK Akademisk skriving (10 sp)
- EXFAC00SK Språk og kommunikasjon (10 sp) eller
- EXFAC00TK Tekst og kultur (10 sp)
EXFAC00TK Tekst og kultur er tilrådd.
Obligatoriske emne
Bachelorprogrammet skal innehalde ei fagleg spesialisering i teatervitskap på 90 studiepoeng.
Følgjande emne er obligatoriske i spesialiseringa i teatervitskap:
TEAT111: Eldre teaterhistorie (15 stp)
TEAT112: Moderne teaterhistorie og analyse av teaterframsyningar (15 stp)
TEAT113: Dramaturgi og regi (15 stp)
TEAT114: Skodespelarkunst, scenografi og teaterkritikk (15 stp)
TEAT211: Teaterestetikk og teaterteori (15 stp)
I tillegg må ein velje eitt av desse emna:
TEAT252: Teoribasert prosjektoppgåve i teatervitskap med bacheloroppgåve (15 stp)
TEAT253: Praksisbasert prosjektoppgåve med bacheloroppgåve (15 stp)
I emna TEAT252 og TEAT253 skriv ein ei rettleia oppgåve (bacheloroppgåve).
Dette tilfredsstiller gradskravet om eit sjølvstendig skriftleg arbeid på 15 studiepoeng, jfr. Utfyllande reglar for Det humanistiske fakultet.
Spesialisering
Bachelorprogrammet skal innehalde ei fagleg spesialisering i teatervitskap på 90 studiepoeng.
Følgjande emne er obligatoriske i spesialiseringa i teatervitskap:
TEAT111: Eldre teaterhistorie (15 stp)
TEAT112: Moderne teaterhistorie og analyse av teaterframsyningar (15 stp)
TEAT113: Dramaturgi og regi (15 stp)
TEAT114: Skodespelarkunst, scenografi og teaterkritikk (15 stp)
TEAT211: Teaterestetikk og teaterteori (15 stp)
I tillegg må ein velje eitt av desse emna:
TEAT252: Teoribasert prosjektoppgåve i teatervitskap med bacheloroppgåve (15 stp)
TEAT253: Praksisbasert prosjektoppgåve med bacheloroppgåve (15 stp)
I emna TEAT252 og TEAT253 skriv ein ei rettleia oppgåve (bacheloroppgåve).
Dette tilfredsstiller gradskravet om eit sjølvstendig skriftleg arbeid på 15 studiepoeng, jfr. Utfyllande reglar for Det humanistiske fakultet.
Tilrådde valemne
Studenten kan, i tillegg til spesialiseringa i teatervitskap, velje emne innanfor skulefag, språkfag, historie- og kulturfag, estetiske fag eller andre fag som er relevante for studenten si vidare utdanning eller yrkesplanar.
Rekkefølgje for emne i studiet
Studieløpet i bachelorprogrammet i teatervitskap kan til dømes sjå slik ut:
1. semester (haust):
Examen philosophicum og Examen facultatum (30 stp)
2. semester (vår):
TEAT111: Eldre teaterhistorie (15 stp)
TEAT114: Skodespelarkunst, scenografi og teaterkritikk (15 stp)
3. semester (haust)
TEAT112; Moderne teaterhistorie og analyse av teaterframsyningar (15stp).
TEAT113: Dramaturgi og regi (15 stp)
4. semester (vår):
Valemne (30 stp)
5. semester (haust):
Valemne (30 stp)
6. semester (vår)
TEAT211: Teaterestetikk og teaterteori (15 stp)
og eitt av desse emna:
TEAT252: Teoribasert prosjektoppgåve i teatervitskap med bacheloroppgåve (15 stp)
TEAT253: Praksisbasert prosjektoppgåve med bacheloroppgåve (15 stp)
Ei generelle tilråding som ligg til grunn for dømet over er at før ein tar fatt på 200-nivået bør ein ha fullført 60 studiepoeng på 100-nivå.
Krav til progresjon i studiet
For ein fulltidsstudent er normal studieprogresjon 30 studiepoeng kvart semester
Studiestader
Bergen
Delstudium i utlandet
Studentane kan ta delar av bachelorprogrammet som utvekslingsstudent i eit anna land. Teatervitskap har eigne Erasmus-utvekslingsavtalar med teatervitskaplege fagmiljø ved Vytautas Magnus-Universitetet i Kaunas (Litauen), Justus-Liebig-Universitetet i Giessen (Tyskland), Hildesheim Universitet (Tyskland), Universitetet i Antwerpen (Belgia), Universitetet i Louvain (Belgia) og Universitetet i Pelopones (Hellas). Vidare har vi Norplus-avtale med Dramaturgi ved Århus Universitet. Studentane kan dessutan bruke andre utvekslingsavtalar mellom UiB og universitet rundt om i verda. Utvekslingsopplegg skal godkjennast av instituttet i forkant av utvekslinga.
Undervisningsmetodar
Bachelorprogrammet omfattar ulike undervisningsformer; til dømes forelesing, seminar, gruppeundervisning og individuell rettleiing.
Vurderingsformer
Gjennom programmet vert studentane prøvd på ulike måtar, eksempelvis ved mappevurdering, skoleeksamen, heimeeksamen, rettleidd semesteroppgåve og munnleg eksamen.
Karakterskala
Ved sensurkan det blinytta ein av to karakterskalaer:
1) Karakterskala A-F
2) Bestått/ikkje bestått
For meir detaljert informasjon, sjå emneplanen for det einskilde emnet.
Vitnemål og vitnemålstillegg
Vitnemål blir skrive ut etter at graden er fullført.
Grunnlag for vidare studium
Bachelorgraden i teatervitskap gir grunnlag for å søkje opptak til masterprogrammet i teatervitskap.
Relevans for arbeidsliv
Teatervitarar har kompetanse som kan nyttast i ei rekkje ulike teaterrelaterte jobbar. Faget kan til dømes nyttast i pedagogisk verksemd. Andre aktuelle arbeidsområde er innan journalistikk (teaterkritikk) og teater-, kunst- og kulturadministrasjon.
Evaluering
Bachelorprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no
Programansvarleg
Programstyret for teatervitskap har ansvar for fagleg innhald og oppbygging av studiet og for kvaliteten på studieprogrammet
Administrativt ansvarleg
Det humanistiske fakultet v/ Institutt for lingvistiske, litterære og estetiske studium (LLE) har det administrative ansvaret for studieprogrammet.
Kontaktinformasjon
Ta gjerne kontakt med studierettleiar på programmet dersom du har spørsmål: mailto:Studierettleiar@lle.uib.noStudierettleiar@lle.uib.no
Tlf 55 58 24 00