Emner: BRA101 Brasilkunnskap med portugisisk språk - Høst 2014

Studiepoeng

15.0

Studienivå (studiesyklus)

Bachelor

Undervisningsspråk

Portugisisk og norsk/engelsk

Undervisningssemester

Haust

Undervisningsstad

Bergen

Mål og innhald

Målet med kurset er å gi ei grunnleggjande innføring i brasiliansk kultur og samfunnstilhøve, og i moderne portugisisk språk. Emnet femner om tema innan grammatikk og kulturkunnskap, og inneheld både undervisning i teori og praktiske øvingar. Emnet krev jamn og god studieinnsats og mykje sjølvstudium. Emnet legg grunnlaget for vidare fordjuping innan Brasilkunnskap og portugisisk språk.

Læringsutbyte

Etter fullført emne

Studenten

Har innsikt i nokre sentrale trekk ved brasiliansk historie, samfunn og kultur.
Har kunnskap om grunnleggjande portugisisk grammatikk.
Kan kommunisera i kjende samanhengar på eit enkelt portugisisk
Kan gjere greie for nokre sentrale trekk og samanhengar ved dagens brasilianske samfunn.

Krav til forkunnskapar

Ingen

Tilrådde forkunnskapar

Generell studiekompetanse eller tilsvarande. Det blir ikkje kravd forkunnskapar i portugisisk.

Krav til studierett

Emnet er ope for alle med studierett ved UiB. Personar utan studierett kan søkja Det humanistiske fakultet om å få gå opp til særskild eksamen.

Undervisningsformer og omfang av organisert undervisning

Det blir undervist i sentrale delar av pensum gjennom førelesingar og gruppeundervisning med lærar.

Det vert to timar førelesing og fire timar gruppeundervisning per veke i 12 veker. Eit emne på 15 studiepoeng svarar i arbeidsmengd til 1/4 årsverk. Studentane må rekna med monaleg eigeninnsats i tillegg til aktiv deltaking i undervisninga.

Obligatorisk undervisningsaktivitet

I samband med gruppeundervisninga skal studentane halda ein kort munnleg presentasjon på portugisisk. Presentasjonen må vera godkjent av faglærar for å kunna gå opp til eksamen i emnet.

Vurderingsformer

Vurderingsforma på emnet er ein skuleeksamen på fire timar som inneheld spørsmål om brasiliansk historie, kultur og samfunn; oppgåver i tekstforståing og grammatikk og ein liten eigenkomposisjon. Studentane skal svara på portugisisk på dei fleste oppgåvene.

Karakterskala

Ved sensur nyttar ein karakterskalaen A-F, der F er stryk.

Fagleg overlapp

Ingen

Litteraturliste

Pensum (ca. 300 sider) er sett saman av ei grunnbok i portugisisk språk samt utdrag frå tekstar om brasiliansk historie, kultur og samfunnstilhøve.

Emneevaluering

Undervisninga blir evaluert i tråd med UiB sitt kvalitetssikrings¬system.

Institutt

studierettleiar@if.uib.no