Fagdidaktikk i engelsk inngår som ein del av universitetet si engelsklærarutdanning. Sentralt i studiet er spørsmål knytte til kompetanseutvikling i engelsk hjå elevane og til utvikling av fagdidaktisk refleksjon og handling.

Eit grunnleggjande spørsmål er korleis engelskfagleg kunnskap kan verte utvikla og relatert til det å vere engelsklærar. Særs viktig er det å utvikle forståing for korleis eiga språkkompetanse, innsikt i språket og innsikt i eigne læringsprosessar kan vere bidrag i arbeide med å tilretteleggje for språklæring hjå elevane.

Studiet er organisert slik at ein har noka undervisning på tvers av språkfaga for å streke under ein sams kunnskapsteoretisk samanheng for alle språk- og kulturfaga og med tanke på sams dannings-målsetjingar for språkfaga i skolen.

Studiet er sett saman av fire målområde som inngår i båe modulane:

- Faget sitt potensial og utvikling

- Teoriar om kommunikasjon, kultur og sjanger

- Planlegging av undervisning og tilrettelegging for læring

- Rettleiing og vurdering

Gjennom studiet skal studentane utvikle innsikt i engelskfaget sitt kultur- og danningspotensial og kunne gjere greie for faget si utforming og samfunnsmessige grunngjeving i skolen. Dei skal setje seg inn i teoriar om språklæring og kunne bruke desse i arbeidet med læring i engelsk. Dei skal vere i stand til å undersøke elevane si engelskæring og vilkår for engelsklæring i skolen.

Studentane skal:

• ha kunnskap om vilkår for læring og kompetanseutvikling i engelsk,
• kunne undersøkje og drøfte engelsklæring i lys av kunnskap innanfor dei engelskfaglege disiplinane (språk, litteratur, kultur og fagdidaktikk) og teoriar om innovasjon, og presentere refleksjon over dette skriftleg og munnleg,
• ha utvikla evna til å rettleie elevane i deira læringsprosessar på grunnlag av teoriar om språk, tekst, kultur og framandspråksutvikling, og kunne vurdere elevane sitt læringsutbyte,
• ha utvikla evne til å reflektere over og vurdere eiga undervisning for å kunne fornye og utvikle den fagdidaktiske kompetansen i engelsk.
• kunne vurdere læremiddel og arbeidsformer i engelskfaget i relasjon til læreplanen for faget, og kunne grunngi val og vurderingar ut frå eige fagsyn og praksisteori.
• kunne uttrykkje seg munnleg og skriftleg på engelsk innan fagfeltet.

- 24 timar førelesingar

- om lag 4 timar fellesførelesingar i språkdidaktikk

- Minst 3 timar undervisningsverkstad

- Rettleiing

For å kunne gå opp til eksamen i DIDAENG 1 må studentane ha gjennomført 3 obligatoriske aktiviteter innan fastsette tidsfristar.

Dei obligatoriske oppgåvene består av:

framlegging av undervisningsopplegg på undervisningsverkstad, utkast til ein mappetekst i Kark, tilbakemelding på tekstutkastet til ein medstudent.