Norsk

Haust

Formålet med kurset er å gi ei oversikt over økonomiske metodar som kan brukast på analyser av helsesektoren.

Kurset vil gi studentane ei innføring i grunnleggjande emne i helseøkonomi og erfaring med korleis desse kan brukast til å vurdere og løyse styringsproblem i helsesektoren. Studentane vil få innsikt i oppbygging av den norsk helsesektoren, og i metodar for evaluering av helsetiltak, i betalings- og finansieringssystem i helsesektoren, og om marknads- og konkurranseformer ved produksjon av helsetenester. Bruk er på analyser av helseføretak (sjukehus), kommunehelsetenesta og allmennlegar, marknader for legemiddel, og fordeling av helse- og helsetenester i befolkninga. Det vil også bli gitt ei innføring i enkelte globale helseproblemstillingar og helseproblem i utviklingsland.

Etter å ha fulgt kurset skal studentane kunne:

• Gjere greie for og diskutere kva som gjer helsesektoren forskjellig frå andre viktige sektorer i økonomien
• definere helse, på ulike måter og diskutere hvilke implikasjonar ulike helsemål kan ha
• forklare korleis ein kan måle helsetilstanden til eit samfunn og gjere greie for korleis vi kan samanlikne helsetilstand innad i og på tvers av samfunn.
• gi ein oversikt over korleis økonomiske analyser av helsesektoren og helsepolitiske spørsmål kan gjennomførast
• gjere greie for teorien bak og ulike metodiske utfordringar i kostnads-, nytte- og verdianalysar
• diskutere og forklare forskjeller og fellestrekk mellom kostnads-, nytte- og verdianalyser i lys av praktiske døme, samt anvende analysane på enkle døme
• gjere greie for teoriar knytta til finansiering av helsesektoren
• diskutere kva utfall ulike typar finansiering av helsektoren kan ha
• framstille hovedtrekka i oppbygginga av det norske helsesystemetgjøre rede for og diskutere ulike problemstillinger knyttet til helsevesen og helseforbedringer i utviklingsland

Ingen

Førelesingar. Seminarundervisning.

Godkjent innleveringsoppgåve med formativ tilbakemelding.

Obligatorisk oppgåve og arbeidskrav er gyldige i inneverande og dei tre påfølgande semestra.

4 timar skriftleg eksamen

Tillatne hjelpemiddel til eksamen:

Matematisk formelsamling av K Sydsæter, A. Strøm og P. Berck, formelsamling i matematikk av Utdanningsdirektoratet og kalkulator. Berre følgjande enkle, ikkje-programmerbare kalkulatorar utan grafisk display vert tillete brukt ved skriftlege prøvar:

Alle modellar av typane:

- Casio FX-82

- Hewlett-Packard HP30

- Texas instruments TI-30

Institutt for økonomi kan gjennomføre stikkprøvar av hjelpemidla i eksamenslokalet.

Full poengreduksjon mot ECON221

Alle emner ved Institutt for økonomi vert evaluert kvart undervisningssemester.

Institutt for økonomi

E-post: studieveileder@econ.uib.no

Tlf: 55 58 92 26

Institutt for økonomi