Haust

Målet med kurset er å gi studentane trening i bruk av matematiske metodar og innsikt i mikroøkonomiske problemstillingar.

Kurset startar med å gi ei fordjuping innan produksjons- og konsumteori, samt nokre eksempel på å laga likevektsmodeller. Videre vert det undervist i spelteori og oligopolteori. Det gis ei innføring i optimering under uvisse. Til slutt vert det gjennomgått nokre moderne problemstillingar knytt til asymmetrisk informasjon og ufullstendige kontrakter.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Kandidaten...

• kan vise forståing for sentrale omgrep innan mikroøkonomien, som nytte- og profittmaksimering, kostnadsminimering, konsument- og produsentoverskudd, forskjellige typar likevekt, risikoaversjon og asymmetrisk informasjon.

Ferdigheiter

Kandidaten...

• kan nytte matematiske metodar på mikroøkonomisk teori.
• kan løyse nye, avanserte oppgåver innan mikroøkonomi ved hjelp av metodane som er gjennomgått på kurset.

Kompetanse

Kandidaten...

• kan nytte både omgrep og metodar til å løyse oppgåver som spenner utanfor dei tema som vert tatt opp på kurset.

Førelesingar og seminarundervisning.

Det er ei obligatorisk oppgåve i ECON 310. Oppgåva gis tidlig i semesteret og temaet for oppgåva vil vere matematikk og optimering. Studenten stiller på oppgitt tidspunkt og stad, mottar ei oppgåve og svarar på staden, utan hjelpemiddel. Instituttet kan velje å gjere dette til en multiple-choice-oppgåve. For å bestå må ein ha 60% rett.

Dersom ein ikkje består får ein éin sjanse til. Ein må då levere ei utvida heimeoppgåve, med krav til godkjenning på 60%.

Studentar som ikkje møter opp til oppgitt tidspunkt og stad, kan levere den utvida oppgåva, men får ingen moglegheit til å levere på nytt.

Obligatoriske arbeidskrav som er godkjende har inga tidsavgrensing.

Matematisk formelsamling av K Sydsæter, A. Strøm og P. Berck og kalkulator. Berre følgjande enkle, ikkje-programmerbare kalkulatorar utan grafisk display vert tillate brukt ved skriftlege prøver:

Alle modellar av typane:

• Casio FX-82
• Hewlett-Packard HP30
• Texas instruments TI-30

Institutt for økonomi kan gjennomføre stikkprøvar av hjelpemidla i eksamenslokalet.

Alle emner ved Institutt for økonomi vert evaluert kvart undervisningssemester.

Institutt for økonomi

E-post: studieveileder@econ.uib.no

Tlf: 55 58 92 26