Kurset skal gi utvida kunnskapar om engelskspråkleg litteratur og/eller kultur, og øve opp ei kritisk og sjølvstendig forståing av problemstillingar som er knytte til studiet av litteratur og/eller kultur.

ENG335 er eit spesialisert studium , normalt i eit tema frå amerikansk litteratur og/eller kultur. Innhaldet i emnet vil variera frå semester til semester, og kan óg omfatta britisk og/eller annan engelskspråkleg litteratur og/eller kultur. Teksttilfanget kan hentast frå ein nasjonallitterær tradisjon, ein periode, ein sjanger, eit forfattarskap, eit litterært eller kulturrelatert tema, eller ei litterær eller kulturell rørsle. Tekstane skal lesast ut ifrå eit kritisk og teoretisk perspektiv.

• Ha utvikla vidare kjennskap til disiplinen generelt
• Kunne drøfte tema frå engelskspråkleg litteratur og/eller kultur frå ein kritisk og teoretisk ståstad, og med ei analytisk tilnærming.
• Ha tileigna seg spesialisert kunnskap om emnet kurset omhandlar
• Ha fått kjennskap til nyare forsking på det aktuelle feltet emne omhandlar
• Ha vidareutvikla evna til å uttrykke akademiske idéar på skriftlig og munnleg engelsk
• Kunne arbeide med særlige teoretiske/metodiske problemstillingar over ei viss tid 

Det blir arrangert eksamen i ENG335 kvart semester.

Eksamen i emnet er ein sju dagars heimeeksamen over tema oppgitt av faglærar, fylgt av ein munnleg eksamen. Arbeidet er på mellom 2800 og 3200 ord. Når endelig karakter vert fastsett teller heimeeksamen to trededeler og munnleg eksamen ein trededel. Heimeeksamen må vere greidd for at studenten kan gå opp til munnleg eksamen. Kandidaten blir eksaminert både i oppgåva og heile pensum under munnleg eksamen. Studentar som får F på munnleg eksamen får også F som endelig karakter. Ved eksamen påfølgjande semester utan undervisning må studentane ta skoleeksamen.