Emnet skal gje studentane ei innføring i psykologien sitt opphav og utvikling som vitskapeleg og anvendt disiplin, samt gje ei innføring i sentrale vitskapsteoretiske spørsmål knytt til psykologi som vitskap og profesjonell praksis.

Tema 1: Psykologiens faghistorie

Studenten vil få ei kort innføring i psykologiens filosofiske røter, og framveksten av den første eksperimentalpsykologien. Hovudvekt ligger på å få oversikt over psykologiens hovudtradisjonar som praksisdisiplin og vitskap, og deira utvikling fram til i dag. Studentane får ei grunnleggjande innføring i forholdet mellom akademisk og anvendt psykologi. Vidare skal dei gjerast kjende med den internasjonale og nasjonale framveksten av psykologprofesjonen.

Tema 2: Psykologiens vitskapsteori

Det blir gitt ei grunnleggjande innføring i psykologiens kjenneteikn som samfunnsvitskap, naturvitskap og humanvitskap. Vitskapsfilosofiske problemstillingar knytt til forholdet mellom teoretisk kunnskap og praksiskunnskap vil også bli gjennomgått. Ein vil ha eit særskild fokus på vitskapsteoretiske problem knytt til å anvende psykologisk kunnskap i ulike kontekster. Det blir gitt en innføring i sentrale tradisjonar innanfor vitskapsteori og deira betyding for psykologifaget.

Kunnskapar:

Ved fullført emne kan studenten:

• kjenne til psykologiens filosofiske røter, psykologifaget sitt opphav og etablering som sjølvstendig vitskapeleg disiplin

• greie ut om psykologiens hovudtradisjonar og framveksten av psykologprofesjonen

• kjenne til psykologien sine kjenneteikn som naturvitskap, samfunnsvitskap og humanvitskap

• greie ut om forholdet mellom teoretisk kunnskap og praksiskunnskap

• kjenne til kjenneteikn ved psykologprofesjonen og dens kunnskapsutøving

• greie ut om sentrale tradisjonar innanfor vitskapsteori som er viktige for psykologifaget

• greie ut om sentrale vitskapsteoretiske og etiske problemstillingar knytt til å utøve praksis med grunnlag i psykologisk kunnskap.

Ferdigheiter:

Ved fullført emne kan studenten:

• beskrive kjenneteikn ved psykologiens røter i filosofi

• beskrive og diskutere dei sentrale kjenneteikn ved dei ulike psykologiske (skule-) retningane, samt å beskrive likskap og skilnader mellom desse med omsyn til innhald, metodebruk og menneskesyn

• greie ut om skiljet og vekselverknadene mellom akademisk og anvendt psykologi

• gjere greie for sentrale trekk ved psykologi som naturvitskapleg, samfunnsvitskapeleg og humanvitskapeleg tradisjon

• diskutere forholdet mellom teoretisk kunnskap og praksiskunnskap

Generell kompetanse:

Ved fullført emne har studenten:

• reflektere kritisk om historiske og vitskapsteoretiske problemstillingar innanfor psykologi

Studierettleiar kan kontaktast her:

mailto:Studierettleiar.psyfa@uib.noStudierettleiar.psyfa@uib.no

Tlf 55 58 27 10