Emner: FIL128 Innføring i moralfilosofi - Høst 2014
Studiepoeng
10.0Studienivå (studiesyklus)
Bachelor
Undervisningsspråk
Norsk eller engelsk
Undervisningssemester
Vår eller haust.
Undervisningsstad
Bergen
Mål og innhald
Emnet skal gi studentane kjennskap til nokre av dei viktigste spørsmåla og problemstillingane som det blir arbeida med innanfor moderne moralfilosofi. Emnet vil ha fokus på dei sentrale etiske teoriane, og vil sjå nærare på eit utval av etiske omgrep og grunnproblem som blir diskutert i samtidslitteraturen. Nokre døme på tema som blir handsama er: rettferd, velferd, kva moralen krev, moralsk plikt og rett, og moralske ideal.
Læringsutbyte
Kunnskap:
Etter fullført emne skal studenten ha
- oversyn over dei viktigaste etiske retningane innanfor moderne moralfilosofi
- innsikt i ulike filosofiske teoriar om grunnlaget for etiske vurderingar
- innsikt i korleis ulike moralfilosofiske standpunkt kan vere relevante for kva konklusjonar ein trekk i konkrete moralske/politiske spørsmål.
Dugleik:
Etter fullført emne skal studenten kunne
- identifisere sterke og svake sider ved ulike moralfilosofiske teoriar og posisjonar
- identifisere og ta stilling til relevante etiske omsyn og argument i etiske diskusjonar
Kompetanse:
Etter fullført emne skal studenten ha kompetanse til
- å lese moralfilosofiske artiklar og bøker på eit relativt høgt fagleg nivå
- vidare studiar i etikk og praktisk filosofi, t.d. på masternivå
I kombinasjon med andre emne og fag kan det inngå i ei utdanning som kvalifiserer for undervisning i filosofi i ungdomsskule eller videregåande skule. Emnet kan ogsåvere eigna som støtte til fordjuping i grunnlagsspørsmål i samband med studiet av andre fag.
Tilrådde forkunnskapar
Godkjent førstesemesterstudium. Gode engelskkunnskapar er naudsynte, sidan ein må rekne med at mykje av pensum er på engelsk.
Krav til studierett
Emnet er ope for studentar med studierett ved Universitetet i Bergen.
Personar utan studierett ved UiB kan søkje til Det humanistiske fakultet om å få gå opp til eksamen i emnet. Trykk på lenkja for meir informasjon: http://www.uib.no/hf/utdanning/opptak/saerskilt-eksamen-ved-det-humanistiske-fakultet
Undervisningsformer og omfang av organisert undervisning
Undervisninga har form av førelesingar og/eller seminar.
Om det melder seg færre enn fire studentar blir talet på samlingar redusert. Den einskilde student vil samstundes bli tilbode individuell rettleiing eller grupperettleiing som kompensasjon for samlingane.
Obligatorisk undervisningsaktivitet
Ei godkjenning av obligatoriske arbeidskrav er gyldig i tre semester frå og med det semesteret godkjenninga finner stad.
Innlevering av pensumliste innan 15. april om våren og innan 15. oktober om hausten. Pensumlista skal innehalde emnekode, eksamenssemester og namn på student og faglærar/rettleiar, og vere utforma i samsvar med vanlege standardar for bibliografiske referansar. Sidetal for kvar einskild bok/utdrag av bok eller artikkel samt samla tal på sider skal opplysast (for elektroniske kjelder utan sidetal rekner ein 500 ord pr. side). Pensumlista skal underskrivast av faglærar og godkjennast av instituttet.
Vurderingsformer
Studentane skal ha ei vekes heimeeksamen. Eksamenssvaret skal vere på mellom 3000 og 5000 ord (ikkje medrekna innhaldsliste, litteraturliste etc).
Eksamen blir arrangert kvart semester.
Dei obligatoriske arbeidskrava må vere godkjende før ein kan gå opp til eksamen i emnet.
Karakterskala
Karakterskala frå A til F.
Fagleg overlapp
Emnet overlapper med FIL227 (Innføring i etikk), FIL228 ( Moralfilosofi) og FIL328 (Masteremne i moralfilosofi ). For studentar som har tatt eitt av emna FIL211 (Valemne 1 i filosofi), FIL212 (Valemne 2 i filosofi), FIL213 (Valemne 3 i filosofi), FIL214 (Valemne 4 i filosofi), FIL301 (Forskingsemne i filosofi 1), FIL302 (Forskingsemne i filosofi 2) eller FIL302 (Forskingsemne i filosofi 2) med nærliggande tema kan det og være overlapp. Ta i så fall kontakt med instituttet for nærare informasjon.
Litteraturliste
Til emnet er det eit kjernepensum som vil bli annonsert ved semesterstart.
Emneevaluering
Emnet blir evaluert med jamne mellomrom.
Kontaktinformasjon
Institutt for filosofi og førstesemesterstudier
E-post: studierettleiar@fof.uib.no
Institutt
Institutt for filosofi og førstesemesterstudier