Bachelor

Bergen

OBS! Dette emnet tilhøyrer ein utgått studieplan for bachelorstudiet i filosofi. Bachelorstudentar på filosofi skal normalt ta emnet FIL251 (20 studiepoeng). Studentar som starta studiet sitt hausten 2012 eller tidlegare kan i enkelte tilfelle ta FIL250 etter søknad. Ein søkjer opptak til emnet ved å undervisningsmelda seg innan 1. september/1.februar og så senda e-post til studierettleiar@fof.uib.no.

Emnet skal gje studentane høve til å arbeide sjølvstendig saman med faglærar/rettleiar med eit nærare avgrensa tema. Temaet kan være avgrensa til særskilde filosofiske problemområde (til dømes etikk, politisk filosofi, erkjenningsteori eller metafysikk) eller tilnærmingsmåtar (til dømes fenomenologiske, eksistensfilosofiske eller språkanalytiske tilnærmingar), eller til einskilde filosofiske verk eller forfattarskap.

Kvart semester tilbyr instituttet undervisning på 200- og 300-nivå i såkalla "ope emne". Tema for FIL250 kan være knytt til eit av desse undervisningstilboda. For kvart semester finst oversyn over ope emne på Mi Side og på instituttet si heimeside.

Kunnskap: Etter fullført emne skal studenten ha

• innsikt i eit nærare avgrensa tema innan særskilde filosofiske problemområde eller tilnærmingsmåtar, eller til einskilde filosofiske verk eller forfattarskap,
• oversikt over sentrale problemstillinger, argument og posisjonar innan dette temaet.

Dugleik: Etter fullført emne skal studenten kunne

• kjenne att og kritisk vurdere hovudposisjonar og argument i fagfilosofisk litteratur innan temaet,
• følgje med i den samtidsfilosofiske debatten innan temaet på eit nivå av moderat vanskegrad,
• vurdere relevansen av temaet for andre filosofiske spørsmål, evt. for andre fag eller for meir allmenne samanhengar,
• utarbeide klare, oversiktlege og relativt grundige skriftlege framstillinger innanfor temaet, eigna til bruk for eit fagleg såvel som eit meir allment publikum.

Kompetanse: Etter fullført emne skal studenten ha kompetanse til

• vidare studiar basert på temaet, til dømes på masternivå i filosofi
• formidling av grunnleggjande innsikt i temaet, til dømes i form av undervisning i vidaregåande skule,
• utarbeiding av dokument for utgreiing og rådgjeving til bruk i samanhengar der innsikt i temaet er relevant.

Individuell rettleiing: inntil 3 timar per student.

For studentar som tek emnet i tilknytning til undervisinga i eit av dei ope emna er det faglærar i emnet som fungerer som rettleiar. I andre høve må studenten sjølv kontakte instituttet og få oppnemnt rettleiar.

Ei godkjenning av obligatoriske arbeidskrav er gyldig i tre semester frå og med det semesteret godkjenninga finner stad.

Innlevering av utkast til rettleia oppgåve før siste rettleiinga.

Individuell rettleiing ved faglærar.

Innlevering av pensumliste innan 30. april om våren og innan 31. oktober om hausten. Pensumlista skal innehalde emnekode, eksamenssemester og namn på student og faglærar/rettleiar, og være vere utforma i samsvar med vanlege standarder for bibliografiske referansar. Sidetal for kvar einskild bok/utdrag av bok eller artikkel samt samla tal på sider skal opplysast (for elektroniske kjelder utan sidetal rekner ein 500 ord pr. side). Pensumlista skal godkjennast av instituttet.

Ei rettleia oppgåve på mellom 6000 og 8000 ord (ikkje medrekna innhaldsliste, litteraturliste etc). Emnet for oppgåva skal vere godkjend av faglærar på førehand. Oppgåva blir sensurert ved slutten av semesteret.

Eksamen blir arrangert kvart semester.

Dei obligatoriske arbeidskrava må vere godkjende før ein kan gå opp til eksamen i emnet.

Karakterskala frå A til F

Institutt for filosofi og førstesemesterstudier

E-post: studierettleiar@fof.uib.no