Sentrale delar av pensum blir gjennomgått på førelesingar og i seminarform. Studentane arbeider dessutan med eit dataprogram som gir innføring i lyrikkterminologi og tekstanalyse.
Ein del av undervisninga fell saman med undervisninga på FRAN102.
Studentane skal skrive ei obligatorisk øvingsoppgåve på fransk (ca 1500 ord) i løpet av semesteret. Oppgåva blir delt ut nokre veker etter semesterstart, med innlevering 8-10 veker seinare. Datoane blir kunngjorde i samband med undervisninga og ved oppslag på emnets elektroniske heimeside. Oppgåva skal vere godkjend før ein kan ta eksamen i emnet.
Studentane skal levere pensumliste for poesiutvalet innan 1. november.
Eksamensforma er heimeeksamen (7 dagar) med oppgjeve emne, ca. 2500 ord. Retningsliner for oppgåva vert gjevne i studiet. Oppgåva skal skrivast på fransk.
Ein føresetnad for å kunne ta eksamen i eit undervisningsfritt semester (våren) er at ein har fått godkjend den obligatoriske øvingsoppgåva i undervisningssemesteret.
a) Tekstpensum
Pensumet er obligatorisk og består av følgjande:
Det 17. hundreåret: 1 drama
Det 18. hundreåret: utdrag fra et verk, og et verk kursorisk
Det 19. hundreåret: 3 noveller
Det 20. hundreåret: 1 roman og 2 noveller
I tillegg kjem 7 sider lyrikk frå det 19. og 20. hundreåret.
På Studentportalen ligger det opplysningar om kva tekster som til ein kvar tid er pensum.
b) Litteraturhistorie
Studenten les utdrag av ei innføring i fransk litteraturhistorie frå det 17. til det 20. hundreåret. Studentane må og sjølve skaffe seg grundigare kjennskap til forfattarane som er lagt opp på pensum. Stoff om dei einskilde forfattarane finst på internett, i litteraturhistorier, leksika og kommentarbøker til pensumverka.