Vår

Emnet går første gang våren 2019

Bergen

Dette emnet finst òg som reint nettstudium (FRAN622)

Studenten skal ved avslutta emne ha følgjande læringsutbytte:

Kunnskap

Studenten

• har kunnskap om pensumtekstane og kjennskap til den kulturelle konteksten deira
• har kunnskap om hovudlinene i fransk litteraturhistorie frå det 19-talet og fram til vår tid

Ferdigheiter

Studenten

• kan gjera greie for tematiske aspekt ved pensumtekstane på fransk
• kan situera pensumtekstane i høve til hovudlinene i fransk litteraturhistorie
• kan bruka kunnskapane dei har skaffa seg i sjølvstendige analysar og drøftingar av pensumtekstane

Generell kompetanse

Studenten

• har eit godt grunnlag for å utvikla vidare si ne kunnskapar om og forståing av franske litterære tekster og deira kulturhistoriske kontekst, også i samband med andre språks litteraturer.

Om lag 3 timar undervisning per veke i 10 veker. Det kan òg bli noko fellesundervisning på nett saman med FRAN622.

Før undervisninga får studentane tilgang til førebuingsmateriale på læringsplattformen MittUiB med f.eks. introduksjonsvideoar/videoførelesningar, notatar, oppgåver og diskusjonsforum. Undervisninga skjer normalt på campus og føreset at studentane i forkant

aktivt har arbeidd med førebuingsmaterialet. Undervisninga består av førelesingar og seminar samt filmframsyning. Det blir gitt rettleiing i samband med den obligatoriske øvingsoppgåva.

I byrjinga av semesteret organiserer instituttet normalt eit fire-vekers kurs for studentane ved Det norske studiesenteret i Caen, med fokus på munnleg og skriftleg fransk. Kurset er gratis, men studentane må sjølv betala for reise og opphald. Det er mogeleg å få bu hos ein fransk vertsfamilie. Du kan søkja Lånekassen om reisestipend.

Dersom ressursane tillèt det, blir det halde kollokvier/oppgåveseminar. Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen.

Det blir kravd at studentane deltek på minimum 75% av undervisninga (også digital) for å få gå opp til vurdering i emnet.

I løpet av dei første fire vekene skal studentane laga ei fransk-norsk ordliste (minimum 50 ord) frå eit gitt pensumverk til publisering på plattformen og til felles bruk

I samband med undervisninga skal studentane halde ei munnleg framføring på 10 - 15 minutt. Det blir lagt til rette for at studentane kan samarbeida under arbeidet med presentasjonen. Studentane førebur framføringa under rettleiing av faglærar. Framføringa skal vere godkjend før ein kan ta eksamen i emnet.

Godkjenninga av obligatoriske arbeidskrav er gyldig i undervisningssemesteret og to påfølgjande semester.

a) Tekstpensum

Pensumet inneheld eit utval tekstar i ulike sjangre og frå ulike periodar av fransk litteraturhistorie frå 1900 og fram mot vår tid.

I litteraturlista ligg det opplysningar om kva tekstar som til ei kvar tid er pensum.

b) Litteraturhistorie

Studentane lyt skaffa seg grundigare kjennskap til nyare fransk litteraturhistorie og til forfattarane som er lagde opp på pensum. Stoff om dei einskilde forfattarane finst i litteraturhistorier, leksika og kommentarbøker til pensumverka.

Litteraturlista vil vere klar innan 01.12.

Studierettleiar: studierettleiar@if.uib.no

Eksamensadministrasjon: eksamen@if.uib.no