Emnet inneheld følgjande komponentar:

- Fransk grammatikk (2/3 av emnet)

- Variabelt språkvitskapeleg tema (1/3 av emnet).

Arbeidet med grammatikk og andre språkvitskaplege tema skal gje studentane større innsikt og dugleik i moderne fransk språk.

Studenten skal ved avslutta emne ha følgjande læringsutbytte:

Kunnskapar

Studenten

• har kjennskap til moderne tilnærmingsmåtar innan fransk grammatikk
• har innsikt i tilnærmingar til studien av språkbruk eller språklæring

Dugleik

Studenten

• er i stand til å gjera greie for hovuddraga i moderne fransk grammatikk
• er i stand til å diskutera ulike teoriar om språkbruk eller språklæring og trekke teoriane inn i eigne analysar
• er i stand til å analysere setningsstrukturar og forskjellige aspekt ved språkbruk eller språklæring

Generell kompetanse

• Studenten har eit grunnlag for å arbeide med moderne fransk grammatikk og teoriar om språkbruk eller språklæring på ein vitskapeleg måte

Det blir gjeve førelesingar, seminar og gruppeundervisning i om lag 12 veker. Studentane skal sjølv delta aktivt i undervisninga, for eksempel ved å leggje fram eller diskutere artiklar, eigne analysar eller anna fagstoff.

I det vesentlege blir det nettbasert undervisning i samarbeid mellom UiB og NTNU.

Det kan også vere noko felles undervisning med studentar ved ENS i Yaoundé i Kamerun.

For å kunna ta eksamen i emnet må studentane;

1. få godkjent ei øvingsoppgåve i grammatikk som blir gitt i samband med undervisninga.

2. delta på eit seminar om vitskapleg kjeldebruk, i samband med den obligatoriske øvingsoppgåva.

Godkjenninga av obligatoriske arbeidskrav er gyldig i undervisningssemesteret og semesteret etter.

Eksamen er ei tre vekers oppgåve med oppgitt tema.

Oppgåva omfattar to tema: Grammatikk på om lag 2000 ord og anna språkvitskap på om lag 1000 ord. Studentane vil få tilbod om eitt rettleiingsmøte i løpet av eksamensperioden.

Oppgåva skal skrivast på fransk.

Grammatikk tel 2/3 og språkvitskap tel 1/3 av samla karakter.

Grammatikk: om lag 200 sider henta frå ein større franskspråkleg grammatikk, mellom 50 og 100 sider språkvitskapleg teori.

Litteraturlista vil vere klar innan 01.07. for haustsemesteret og 01.12. for vårsemesteret.