Norsk

Haust

Geografi har rolle som brubyggjar mellom samfunns- og naturvitskap. Emnet gir kunnskap om sosiale, økonomiske, politiske, miljømessige og naturgitte globale prosessar som skapar ulikskapar mellom enkelte deler av verda. I eit feltkurs på Vestlandet lærer vi korleis dei globale prosessane blir møtt med stadeigne, lokale svar.

Grunnboka set stader og regionar inn i ei global samfunnsutvikling med fokus på økonomiske, politiske og kulturelle skilnader. To kompendium skrivne for emnet gir oversikt over breidda i geografifaget og grunnlag for å forstå samspelet mellom menneske, natur og globale påverknader på den staden vi studerer på feltkurset. Emnet eignar seg ikkje berre som innleiing til geografi, men også for dei som er opptekne av utviklingsstudiar, Europastudiar eller miljøspørsmål.

 Etter å ha fullført emnet skal studenten kunne.

• greie ut om fagområdet si historie, tradisjonar, eigenart og plass i samfunnet.
• greie ut om dei sentrale tema, teoriar og problemstillingar innanfor geografifaget.
• greie ut om meininga av skala i det geografiske rom og prosessar på ulike tidsaksar.
• greie ut om samanhengen mellom naturressursar og samfunnsutvikling.

2 førelesingar á 2 timer pr. veke.

Totalt 16-18 førelesingar

1 seminar á 2 timer pr. veke. Totalt 7-8 seminar

1 heildagsseminar

Feltkurs 2-3 dagar (talet på dagar avheng av reiseavstand)

Karakterskala A-F

Institutt for geografi evaluerer ein tredjedel av kursporteføljen kvart semester. GEO100 vil difor bli evaluert minimum kvar tredje gong kurset vert undervist.

Institutt for geografi

studieveileder@geog.uib.no