Emner: GEO113 Klima, oseanografi og biogeografi - Vår 2018
Undervisningsspråk
Norsk
Undervisningssemester
Haust
Mål og innhald
Mål
Emnet har som mål å gi innsikt i Jordas økosystem og biologiske mangfald, samt dei viktigaste fysiske og kjemiske prosessar som verker i atmosfæren og havet over ulike tidsskalaer. Studentane skal bli kjent med grunnleggjande prinsipp innan biogeografi, meteorologi, klimatologi og oseanografi, og vere i stand til å greie ut om samspelet mellom hav, atmosfære og biosfære.
Innhald
Første del av emnet tar for seg biogeografiske forhold, der det blir gitt ei innføring i økologisk teori med fokus på å forstå dei miljømessige vilkåra for fordelinga av biom på Jorda. Tema knytt til meteorologi, klima og oseanografi vil deretter bli gjennomgått i meir detalj, med fokus på å forstå samspelet mellom hav og atmosfære. I tillegg vil mennesket sin påverknad på Jordas klima, hav og økosystem bli diskutert. Emnet inkluderer obligatoriske seminar i meteorologi, klimatologi og oseanografi og ein dagsekskursjon knytt til den biogeografiske delen.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskap
Studenten
- har brei kunnskap om den romlege fordelinga av biogeografiske soner og biom i eit globalt, regionalt og lokalt perspektiv
- har brei kunnskap om globale atmosfæriske og klimatologiske prosessar, og korleis dei påverkar fordelinga av klimasoner på Jorda
- har brei kunnskap om globale oseanografiske prosessar og korleis dei påverkar regionale og lokale klimatiske forhold
- har ei integrert forståing av det naturlege samspelet mellom hav, atmosfære og biosfære
Ferdigheter
Studenten
- kan kjenne att biom som fins i Skandinavia og Norge, og forklare korleis desse reflekterer globale biogeografiske mønster
- kjenner Köppens klassifikasjonssystem for klimasoner og kan nytte dette i praksis
- kan lese og tolke vêrkart, og ut frå dette vurdere korleis lokale vêrforhold heng saman med storskala atmosfærisk sirkulasjon
- kan forklare forskjellen mellom vêr og klima, samt greie ut om dei viktigaste kjeldene til interne svingingar i klimasystemet knytt til samspelet mellom atmosfære og hav
Generell kompetanse
Studenten
- har oversikt over og kan bruke eit presist fagspråk knytt til biogeografi, meteorologi, klima og oseanografi
- kan gjere kritiske refleksjonar rundt mennesket si rolle i globale klimaendringar
- har innsikt i korleis mennesket kan påverke biogeografiske mønster gjennom blant anna arealbruk og introduserte artar, og kva for betyding dette har for naturforvaltning i ein klimatisk og biogeografisk kontekst
Krav til forkunnskapar
Ingen
Tilrådde forkunnskapar
GEO111, GEO115
Krav til studierett
Emnet er ope for studentar ved UiB.
Arbeids- og undervisningsformer
1-2 førelesingar á 2 timer pr. veke.
Totalt 16-20 førelesingar
3-5 seminar á 2 timer pr. veke.
1 heildagsekskursjon
Obligatorisk undervisningsaktivitet
Skriftlege innleveringar av 3 oppgåver og deltaking på dagsekskursjon. Oppgåvene må vere godkjente innan fastsett deadline og før skriftleg eksamen.
Vurderingsformer
Skriftleg eksamen 5 timer.
Karakterskala
Karakterskala A-F
Fagleg overlapp
Om du har tatt BIO202 før 2009 vil du få 5 studiepoeng i reduksjon for GEO113.
GEO112 gir 10 studiepoeng (full) reduksjon for GEO113.
Vurderingssemester
Haust. Studentar som er i siste semester for å avslutte grad/undervisningskompetanse i geografi kan få innvilga eksamen i vårsemesteret etter søknad.
Emneevaluering
Institutt for geografi evaluerer ein tredjedel av kursporteføljen kvart semester. GEO113 vil difor bli evaluert kvar tredje gong kurset vert undervist.
Kontaktinformasjon
Institutt for geografi
Studieveileder@geog.uib.no