Emner: GEO291 Naturgeografisk feltkurs - Vår 2018
Studienivå (studiesyklus)
Bachelor
Undervisningsspråk
Norsk/engelsk
Undervisningssemester
Vår
Undervisningsstad
Universitetet i Bergen og eit feltområde enten ein stad i Noreg eller i utlandet, fyrst og fremst Europa. Feltområdet vil variere frå år til år.
Mål og innhald
Mål:
Emnet har som mål å gi studenten kjennskap til vanlege naturgeografiske metodar, teknikkar og relevant litteratur, samt grunnleggjande akademisk skrive- og referanseteknikk. Vidare skal emnet formidle forståing for korleis problemstilling, hypotesar og forskingsopplegg vert utvikla gjennom ei naturgeografisk feltoppgåve.
Innhald:
Aleine eller i samarbeid med andre skal studenten utarbeida ei temarapport basert på litteraturstudiar med relevans for feltkurset, og skal saman med andre utføre ei feltbasert forskingsoppgåve innanfor naturgeografi. Gjennom ein skriftleg feltrapport vil studenten få erfaring med grunnleggjande akademisk skrive- og referanseteknikk. Saman med litteraturstudiar dannar gruppa sin utarbeida forskingsoppgåve basis for ein korrigerande munnleg eksamen. Feltkurset går kvart år, anten i Noreg eller til utlandet.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskap
Studenten
- kan kjenne att dei viktigaste agensane/prosessane som i tid og rom har påverka klima- og miljøendringar i feltområdet.
- kan gjere greie for sentrale tema, kjelder, metodar og teoriar innanfor fagfeltet, og bruke dette til å formulere ei fagleg problemstilling og å gjennomføre ein analyse med tilhøyrande drøfting.
Ferdigheiter
Studenten
- kan utarbeide forskingsdesign og samla inn relevante feltdata gjennom ei avgrensa naturgeografisk feltundersøking/forskingsprosjekt på eiga hand eller i samarbeid med andre.
- kan gjennom ei praktisk feltoppgåve vise korleis ein rekonstruerer terrestriske klima- og miljøendringar.
- kan bruke kvantitative felt- og analysemetodar.
- kan bruke GPS og kart i feltundersøkinga.
- kan grunngje tolkingar og tolke grafar og figurar.
- kan bruke akademisk skrive- og referanseteknikk.
Generell kompetanse
Studenten
- kan bruke eit presist fagspråk til å beskrive og diskutere naturgeografiske prosessar og hendingar.
- kan utarbeide og rapportere feltdata skriftleg og framstilla data grafisk.
- kan gjennomføre søk etter relevant litteratur, referere til litteratur og setje opp referanse-/litteraturliste.
- kan jobbe individuelt og i gruppe.
- kan gjennomføre ei praktisk feltoppgåve i samsvar med Institutt for geografi/UiB sine HMS-retningsliner.
Krav til forkunnskapar
GEO110, GEO111, GEO113, GEO124, GEO125, GEO131 eller tilsvarande. Studenten skal ta GEO204 og GEO212 i same semester som GEO291.
Tilrådde forkunnskapar
GEO111 og GEO112/ GEO113
Krav til studierett
Ope, men talet på plassar er avgrensa. Studentar ved Bachelorprogrammet i geografi og Bachelorprogrammet i Miljø og ressursforvaltning som vel spesialisering i geografi vil bli prioritert. Ytterlegare prioritering blir gjort etter talet på studiepoeng i GEO-emne.
Arbeids- og undervisningsformer
1 førelesing á 2 timer pr. veke.
Totalt 2-3 førelesingar.
1-2 seminar á 2 timer pr. veke.
Totalt 5 seminar
Feltkurs 6-8 dagar. Talet på dagar avheng av reiseavstand.
Obligatorisk undervisningsaktivitet
Godkjent temarapport og deltaking på feltkurs. Obligatorisk krav kan berre gjennomførast ein gong og er gyldig frå det semesteret det er gjennomført og godkjent.
Vurderingsformer
Feltrapport som gruppeeksamen der 2-3 studentar skriv rapporten saman.
Individuell justerande munnleg eksamen.
Karakterskala
Karakterskala A-F
Fagleg overlapp
GEO241 (10 poeng), GEO271 (10 poeng)
Vurderingssemester
Vår
Emneevaluering
Institutt for geografi evaluerer ein tredjedel av kursporteføljen kvart semester. GEO291 vil difor bli evaluert minimum kvar tredje gong kurset vert undervist.
Kontaktinformasjon
Institutt for geografi
Studieveileder@geog.uib.no