Emner: GEO310 Skrivekurs og prosjektskisse - Vår 2014
Studienivå (studiesyklus)
Master
Undervisningsspråk
Engelsk
Undervisningssemester
Haust
Mål og innhald
Målet er å få studenten tidleg i gang med masteroppgåva gjennom skrivetrening og praktisk innsikt i forskingsprosessen. Emnet søkjer å gi studentane auka innsikt i skriveprosessen bak ei vellykka masteroppgåve gjennom å arbeide med ein prosjektskildring for det framtidige mastergradsarbeidet. Prosjektskissa dannar grunnlaget for masteroppgåva og tildeling av rettleiar.
Læringsutbyte
Etter å ha fullført emnet skal studenten kunne:- velje relevant kunnskap innan geografisk forsking knytt til spesialisering innan si studieretning
- velje eit tema for ei masteroppgåve, utvikle og avgrense det til ei forskbar og klart formulert problemstilling som kan gjennomførast innanfor den gitte tids- og ressursmessige ramme
- gjennomføre sjølvstendig prosjektarbeid i samarbeid med rettleiar
- føre akademisk argumentasjon, strukturere masteroppgåva og følgje god akademisk referansebruk
- gjere systematiske søk i bibliotek, vitskaplege og andre databaser og tolke og vurdere data og litteratur kritisk
Krav til forkunnskapar
Tatt opp på Master i geografi eller Master's in Development Geography.
Krav til studierett
Reservert studentar ved Master i geografi og Master's in Development Geography.
Undervisningsformer og omfang av organisert undervisning
Forelesingar/seminar/øvingar to veker intensivkurs i august, munnleg presentasjon i desember.
4-5 forelesingar á 2 timer pr. veke.
1 seminar med presentasjonar i desember
Obligatorisk undervisningsaktivitet
To innleveringar: I løpet av første fase av kurset i august skal det leverast inn eit ´tankepapir´ (1-2 sider; første veke) som har til mål å utvikle tema, vinkling og argument, og ei prosjektskisse (4-6 sider; andre veke) som vidareutviklar desse til ei problemstilling og gir viktige referansar. Seminarinnlegg/munnleg presentasjon av prosjektskisse med opponent á ca 30 minutt.
Vurderingsformer
Prosjektskildring på 10-12 sider som er ei gjennomarbeidd skildring av tema, formål/fagleg grunngjeving for prosjektet, problemstilling, ei kort utgreiing av forskingsdesign, metode og plan for gjennomføring.
Karakterskala
bestått/ikkje bestått
Fagleg overlapp
GEO300 (5 studiepoeng)
Vurderingssemester
Haust
Emneevaluering
Institutt for geografi evaluerer ein tredjedel av kursporteføljen kvart semester. GEO310 vil difor bli evaluert minimum kvar tredje gong kurset vert undervist.
Kontaktinformasjon
Institutt for geografi
Studieveileder@geog.uib.no