Engelsk

Vår

Gi studenten ei innføring i nyare teoriar om miljø og utvikling. Skape ei djupare forståing av aktuelle forskingstema i utviklingsgeografi og miljøgeografi, gjerne med relevans for masteroppgåva.

Emnet byggjer på forsking innan miljø og utvikling og legg opp til eit kritisk perspektiv på etablert kunnskap som har dominert bistand/utviklingsstrategiar. Diskursar og narrativ om tema som klimaendringar, avskoging, ørkenspreiing og erosjon blir analysert i lys av vitskapsteori der kunnskap blir sett på som sosiale konstruksjonar. Konvensjonell kunnskap om landdegradering blir utfordra i lys av ny økologi og politisk økologi. I samspelet mellom naturen og menneska er formelle og uformelle institusjonar avgjerande for ulike grupper sin tilgang til og forvalting av ressursar. Emnet legg vekt på kunnskap om maktforhold og endringsprosessar i møte mellom lokalsamfunn og globale diskursar og institusjonar.

Etter å ha fullført emnet skal studentane kunne:

• gi ei brei oversikt over kritiske perspektiv på miljø og utvikling.
• greie ut om korleis kunnskap om komplekse problem vert konstruert og presentert i vitskapen og på andre maktarenaer.
• bruke litteratur og andre kjelder kritisk og aktivt i presentasjon og diskusjon av miljø- og utviklingsproblematikk gjennom rettleia oppgåveskriving og debattar.
• utføre analyse av diskursar og narrativ.
• bruke korrekt akademisk skrive- og referanseteknikk.

GEO131, GEO231 og GEO292

Web-basert emne

7-8 skriftlege online førelesingar (sesjonar)

3 oppgåver med rettleiing

Online debattar og rollespel

Filmsamlingar for dei studentane som er i Bergen

Karakterskala A-F

Vår

Institutt for geografi

Studieveileder@geog.uib.no