Termokronologiske dateringsteknikkar, som fisjonsspor og (U-Th)/He datering, gir viktige data som kan bidra til å løyse avkjølings- og ekshumasjonshistorie for alt ifrå unge orogen til passive kontinentalmarginar. Teknikkane kan også brukes til å studere den termale historia til eit sedimentært basseng, og er difor også viktig for petroleumsindustrien.

Dette kurset gir kunnskap i teorien bak lav-temperatur termokronologi, i tillegg til eit vidt spekter av praktiske øvingar og moglegheita til å delta i praktisk datering i instituttet sitt fisjonssporlaboratorium. Eit vidt spekter av døme vil verte presentert. Studentane vil delta i presentasjonen av desse døma.

Hovudelementa som inngår i kurset er:

• Fisjonsspor og (U-Th)/He dateringsteknikkar, teoretisk bakgrunn
• Innsamlingsstrategiar
• Mineralseparering og førebuing (praktisk øving)
• Fisjonssporanalyse av utvalte prøver (praktisk øving)
• Modellering av termal historie

Presentasjon og diskusjon av døme (Antarktis, Andesfjella, Det kanadiske skjold, Nordsjøen, Skandinavia, Appenninene, Australia med fleire)

Ved fullført emne GEOV341 skal studentane kunne:

• Planlegge eit termokronologisk prosjekt
• Separere passande mineral ifrå prøver
• Førebu mineralseparat for datering, inkludert preparering for bestråling
• Utføre apatitt fisjonsspor analysar og måling av sporlengder
• Utføre modellering av den termale historia
• Presentere og diskutere forskingsresultat

Øvingar og presentasjon