Emnet gir studentane ei innføring og orientering i eit forskingsfelt i historiefaget som kan vere relevant for ei masteroppgåve. Emnet tek sikte på å gi eit godt startgrunnlag for arbeidet med ei masteroppgåve gjennom kritisk analyse og diskusjon av sentral litteratur innafor eit forskingsfelt. Studentane skal skrive ei oppgåve. Val av tema for oppgåva skjer i samråd med rettleiar. Studentane skal òg lære seg munnleg presentasjon og diskusjon av fagstoffet. Undervisninga er organisert i masterseminar inndelt etter hovudtema og historiske periodar.

Her finn du meir informasjon om https://www.uib.no/fag/historie/25365/masterseminar-i-historiemasterseminara.

Studenten har ved avslutta emne oppnådd følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• har grunnleggjande kunnskapar innan eit tematisk avgrensa forskingsfelt og oversikt over den viktigaste litteraturen.
• kjenner til dei mest sentrale synspunkta, teoriane og metodane innan feltet.

Ferdigheiter

Studenten

• kan formulere problemstillingar og finne fram til relevant forskingslitteratur i tilknyting til desse.
• kan sjølvstendig analysere grunnlaget for dei forskjellige synspunkta, teoriane og metodane i denne forskingslitteraturen.

Generell kompetanse

Studenten

• demonstrerer evne til å analysere og dokumentere vitskapleg gjennom det skriftlege arbeidet.
• har evne til å presentere faglege problemstillingar munnleg og i diskusjonar med faglærarar og medstudentar.

Studentane skal skriva ei oppgåve på om lag 6000 ord.

Oppgåva kan leverast på norsk, svensk, dansk eller engelsk.