Gjennom studiet vil studentane få betre kjennskap til ulike formidlingsformer i historie, og aktuelle problemstillingar som reiser seg i møtet mellom historie som forskingsfag og samfunnets behov og forståingshorisont.

Studentane skal tileigne seg teoretisk kunnskap knytt til samfunnets historiebruk, samt øve opp praktiske ferdigheiter i historieformidling.

Kunnskapar

Studentane kjenner til relevante teoretiske tilnærmingar til historieformidling som fenomen, og kva utfordringar ein som historikar står overfor når det gjeld å formidle ein fagleg bodskap til eit breiare publikum. Dei kjenner til ulike formidlingsformer i historie, og dei spesifikke utfordringar desse står overfor.

Ferdigheiter

Studentane er i stand til å vurdere og analysere ulike former for historieformidling ut frå ein teoretisk ståstad, og er også i stand til å kunne utvikle og kritisk reflektere rundt eigen historieformidling.

Generell kompetanse

Studentane har kompetanse på å vurdere og analysere ulike former for historieformidling, og å sjølv formidle eit faglig tema til eit breiare publikum.

Mappevurdering med justerande munnleg eksamen.

Mappa skal innehalde tre tekstar som vert vekta likt. To av tekstane skal formidle eit historiefaglig tema til eit breiare publikum. Sjangrar kan være ein populærhistorisk artikkel, ein aviskronikk, eit intervju, ein leksikonartikkel eller ein læreboktekst. I særlige tilhøve kan andre sjangrar nyttast etter avtale med faglærar. Tekstane må være av ulik sjanger, og minst ein av dei må ha eit tema knytt til studentens masteroppgåve. Det må klart gå fram i kva samanheng tekstane er tenkt publisert. Tekstane skal ikkje overlappe kvarandre tematisk.

Den tredje teksten skal være ein analyse av ein case kor historie vert formidla, f.eks. eit minnesmerke, ei museumsutstilling, ein film/tv-serie eller ei bokutgjeving. Analysen skal bygge på relevante perspektiv frå pensum, og ha eit omfang på minst 1500 ord. Val av case foretas i samråd med faglærer.

Totalt skal mappa ha eit omfang på 4000-5000 ord, og gis ein samla karakter.

Mappa følgjes opp av en munnleg individuell eksamen på 20 min. der mappetekstane vert diskuterte. Munnleg eksamen kan justere karakteren med maksimalt ein karakter. Mappa må være stått for å kunne gå opp til munnleg eksamen.