Emner: HIS350 Historie mastergradsoppgave - Høst 2024
Studiepoeng
60.0Studiepoeng, omfang
15 studiepoeng
Studienivå (studiesyklus)
Masternivå
Fulltid/deltid
-
Undervisningsspråk
Normalt vert emnet undervist på norsk
Undervisningssemester
Haust og vår
Undervisningsstad
Bergen
Mål og innhald
Masteroppgåva skal vere ei vitskapleg avhandling som bygger på eit sjølvstendig studium av historiske kjelder og/eller historisk litteratur.
Gjennom forskingspraksis skal masteroppgåva gi studentane djupare innsikt i teori og metode innafor historieforskinga. Det skal og gi studentane ei meir sjølvstendig haldning til historiske framstillingar og historisk kjeldemateriale i tillegg til innføring i sjølvstendig vitskapleg arbeid. Studentane skal sjølve bruke fagets teori, metodar, teknikkar og forskingsetikk i løysinga av historiske problem.
Undervisninga er organisert i masterseminar inndelt etter hovudtema og historiske periodar.
http://www.uib.no/fag/historie/25365/masterseminar-i-historieTrykk her for meir informasjon masterseminara
Læringsutbyte
Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:
Kunnskap
Studenten
- er ein fagekspert innan sitt forskingsfelt.
- har ein brei empirisk kunnskapsbase.
- har innsikt i fagtradisjonar, forskingsetiske problemstillingar samt ei solid forståing av metodar og teoriar som analytiske verktøy.
Ferdigheiter
Studenten
- er kompetent i utøving av forskingsarbeid på ein sjølvstendig måte.
- kan etablere problemstillingar som kan leie til ny historisk kunnskap innan eit valt forskingsfelt.
- har studenten ferdigheiter i kartlegging og evaluering av kjelder og litteratur, og basert på dette kan studenten ekstrahere, systematisere og analysere informasjonstilfanget.
- har både praktisk og prinsipiell forståing av historisk metode, kan gjennomføre kritisk analyse av tekst og kjelder, dokumentere eigne slutningar og posisjonere eige bidrag i forhold til etablert kunnskap på det gjeldande forskingsfeltet.
- kan formidle forskingsarbeid på ein kyndig og forståeleg måte i skriftleg form.
Generell kompetanse
Studenten
- demonstrerer sin kompetanse til å utøve historisk forsking og formidling i samsvar med faget sine grunnleggande normer og metodar som akademisk disiplin.
- er kvalifisert til å handtere, vurdere og analysere komplekse saksbilete, syntetisere relevant informasjon samt å grunngje eigne slutningar.
- viser evne til å problematisere og reflektere kring omgrep, kunnskap, teori og metode.
- har kompetanse i fagleg diskusjon og kommunikasjon både skriftleg og munnleg.
Krav til forkunnskapar
For å kunne levere masteroppgåva må studenten ha avlagt og bestått eksamen i HIS301 og HIS303, samt i andre godkjende emne tilsvarande 30 studiepoeng.
Tilrådde forkunnskapar
-
Studiepoengsreduksjon
I oppgåva er det naturleg at studenten også trekker på kunnskapar opparbeidde gjennom oppgåvene i kursdelen. Direkte gjenbruk av tekstdelar frå disse oppgåvene er likevel ikkje tillat, på same måte som det ikkje er tillat å bruke oppatt tekstdelar frå andre bedømte eksamensoppgåver.
Krav til studierett
Emnet er tilgjengeleg for studentar som er tekne opp til masterstudiet i historie
Arbeids- og undervisningsformer
Alle studentar som er tekne opp til mastergradsstudiet ved institutt for AHKR, har rett til individuell rettleiing i arbeidet med masteroppgåva. Rettleiinga er regulert gjennom ei individuell rettleiingsavtale.
Undervisninga er organisert i masterseminar inndelt etter hovudtema og historiske periodar. Studentane følgjer det same masterseminaret som rettleiarane sine. På masterseminara skal studentane delta jamleg med framlegging og diskusjon av oppgåvetekstar.
Obligatorisk undervisningsaktivitet
Studenten skal ta imot rettleiing kvart semester under arbeidet med masteroppgåva. Ei rettleiingskontrakt som gjer nærare greie for rettar og plikter skal skrivast under av student, rettleiar og fagkoordinator.
Vurderingsformer
- Masteroppgåve
- Munnleg prøve
Masteroppgåva skal ha eit samla sidetal på om lag 70-110 sider. Masteroppgåva skal leverast elektronisk via Inspera. Det vert gitt eigen karakter på masteroppgåva. Deretter vert mastergraden avslutta med ein munnleg eksamen som tar utgangspunkt i masteroppgåva. Denne munnlege karakteren kan justera karakteren på masteroppgåva éin karakter opp eller ned. Ein må få ståkarakter på begge delane for å få ståkarakter i emnet.
Masteroppgåva kan skrivast på norsk, svensk, dansk eller engelsk.
Hjelpemiddel til eksamen
Ikkje relevant.
Karakterskala
Det blir nytta gradert karakterskala frå A til F, der F er stryk.
Vurderingssemester
Haust og vår
Litteraturliste
Studentane vel sjølve ut relevante læremiddel i samråd med rettleiar
Emneevaluering
Studentane vil med jamne mellomrom bli bedne om å evaluera emnet.
Programansvarleg
Institutt for arkeologi, historie, kultur- og religionsvitskap
Emneansvarleg
Programstyret har ansvar for fagleg innhald og kvaliteten på HIS350.
Administrativt ansvarleg
Institutt for arkeologi, historie, kultur- og religionsvitskap
Kontaktinformasjon
Studierettleiar kan kontaktast her:
studierettleiar@ahkr.uib.no