Mål:

Emnet gjev ei innføring i programmering basert på praktiske øvingar i programmering og programutvikling.

Innhald:

Mesteparten av undervisninga er praktisk opplagt der nye tema vert gått gjennom ved hjelp av programmeringsoppgåver. Studentane tileignar seg stoffet ved å lese oppgåveteksten og ved å jobbe gjennom oppgåvene.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• Veit korleis eit dataprogram fungerar, kva inndata og utdata tyder, og korleis samhandlinga mellom eit dataprogram og datamaskinminne og filsystem fungerar.
• Er fortruleg med sentrale omgrep innan programmering som problemspesifikasjon, algoritme, program og kode.

Ferdigheiter

Studenten kan

• Analysere enklare databehandling/berekningsproblem og skissere ei løysingsmetode
• Skrive eit korrekt fungerande dataprogram som les inn data for så å utføre løysingsmetoden før svaret anten vert skriven ut eller visualisert for brukaren
• Bruke og byggje opp grunnleggjande element i programmeringsspråket Python

Generell kompetanse

Studenten kan

• handsame strukturerte datamengder ved hjelp av ei datamaskin

For oppstart på emnet er det krav om ein studierett knytt til eit studieprogram ved det matematisk-naturvitskaplege fakultet.

Emnet er ikkje åpent for studenter på bachelorprogramma i datateknologi og datavitenskap, bioinformatikk, datatryggleik eller masterprogramma i informatikk. For studenter på bachelorprogrammet i informatikk-matematikk-økonomi kan INF109 ikkje inngå som ein del av informatikkspesialiseringa i graden.

Undervisninga er delt opp i teoretisk undervisning og praktisk undervisning. I begge delar blir det gått gjennom nytt stoff, så studenten forventast å følgje begge former for undervisning.

Teoretisk undervisning føregår i en forelesingssal: 2 timar i veka.

Praktisk undervisning føregår i datalabar 8 timar i veka.

Godkjente obligatoriske oppgåver. Obligatoriske aktivitetar er gyldige i to semester; det semesteret aktiviteten godkjennast samt det påfølgjande semesteret.

Vi gjer merksam på at studentane må rekne med å måtte bruke eigen datamaskin i undervisninga. Det vil vere ei avgrensa mengde datamaskiner tilgjengeleg for dei som ikkje har eigen maskin.

3 timar skriftleg (digital) eksamen. Dei obligatoriske arbeidskrava tel 50% av sluttkarakteren.

Dersom det er færre enn 20 deltakarar kan det bli munnleg eksamen.

Både dei obligatoriske arbeidskrava og eksamen må vere bestått for å få godkjent eksamen i emnet.

Emneansvarleg og administrativ kontaktperson finn du på Mitt UiB, kontakt eventuelt mailto:studieveileder@ii.uib.nomailto:studieveileder@ii.uib.nostudierettleiar