Emner: INF121 Programmeringsparadigmer - Høst 2014
Studiepoeng
10.0Undervisningsspråk
Norsk
Undervisningssemester
Haust (Fargekode: gul)
Undervisningsstad
Bergen
Mål og innhald
Imperativ programmering, inklusiv objekt-orientering, er eit paradigme basert på overgangar mellom tilstandar i programmet. Deklarativ programmering, på den andre sida, omfattar ei rekkje programmeringsparadigme der eit program også har ei dual tolking - ikkje berre som ein sekvens av instruksar til ei maskin, men også som ein formel med deklarativ meining uavhengig av nokon programtilstand. Eksekvering av eit program svarar alltid til denne deklarative tolkinga - noko som fremjar og stør utvikling og vedlikehald av korrekte program. Imperativ paradigme (t.d. Java, C, Pascal) blir sett opp mot ei rekkje deklarative paradigme: 1. Funksjonelle språk basert på algebra (t.d. Haskell) 2. Logiske språk basert på første-ordens logikk (t.d. Prolog) 3. Spørjespråk for databasar (t.d. Datalog)
Læringsutbyte
Etter å ha fullført INF121 skal studentane kunne
- lese ein grammatikk for eit stort programmeringsspråk og skrive ein grammatikk for eit lite språk
- forstå konkret og abstrakt syntaks og enkel parsing.
- programmere i Haskell med funksjonar, forstå og bruke rekursjon, rekursive datatypar (lister, trær), typar, type-avleiing og høgare orden, polymorfi.
- programmere med relasjonar i Prolog.
- konstruere datastrukturar (lister, trær) med første-ordens termar.
- bruke rekursjon og unifikasjon som berekningsmekanismar.
- lage små, deduktive databasar i Datalog.
Krav til forkunnskapar
INF100 eller INF109, eller tilsvarande innføringsemne i programmering
Tilrådde forkunnskapar
Byggjer på INF101, MNF130
Krav til studierett
For oppstart på emnet er det krav om ein studierett knytt til Det matematisk-naturvitskaplege fakultet, samt at du oppfyller ev. opptakskrav
Obligatorisk undervisningsaktivitet
Godkjente obligatoriske oppgåver.
Obligatoriske aktiviteter er gyldige i to semester, det semesteret aktiviteten godkjennes samt det påfølgjande semesteret.
Vurderingsformer
3 timar skriftleg eksamen. Det er høve til å gi karakter på obligatoriske oppgåver som kan inngå i sluttkarakteren. Dersom det er færre enn 20 deltakarar kan det bli munnleg eksamen. Ingen lovlege hjelpemiddel.
Karakterskala
Ved sensur av emnet vert karakterskalaen A-F nytta.
Fagleg overlapp
I121: 10SP, INF121A: 5SP
Vurderingssemester
Det er ordinær eksamen kvart semester
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.
Kontaktinformasjon
Forelesar og administrativ kontaktperson finn du på Mi side, kontakt ev. studiekonsulenten på instituttet.