Mål:
INF240 gjev studentane ein introduksjon til kryptologi og kodeteori. Vanlege metodar for å bruke kryptografi til å sikre data mot uautorisert innsyn og manipulasjon vert gjevne. Studentane skal lære enkle metodar i kodeteori for sikring av feil i data som kan oppstå ved overføring og lagring.

Studentane skal etter kurset kunne forstå korleis ein brukar grunnleggjande metodar innan kryptologi og kodeteori.

Innhald:
Emnet tek opp ulike metodar for å konstruere kryptoalgoritmar og kryptografiske protokollar. Metodar for symmetrisk og asymmetrisk kryptografi inkludert RSA, AES, digitale signaturar, hashfunksjonar, autentisering av meldingar vert diskutert. Vidare gjev emnet ein elementær introduksjon til feilkorrigerande kodar. Litt bakgrunnsinformasjon om talteori og endelege kroppar vert presentert.

Studenten skal ved avslutta emne ha oppnådd følgjande læringsutbyte definert i kunnskapar, ferdigheiter og generell kompetanse:

Kunnskapar
Studenten kan

• forklare korleis dei mest vanlege kryptoalgoritmane fungerar
• fortelje korleis kryptoprotokollar kan brukast til å sikre data mot uautorisert bruk
• fortelje korleis teknikkar i kodeteori kan brukas til å rette feil i data

Ferdigheiter
Studenten skal kunne

• vurdere kva for metodar innan kryptologi som er mest effektive for å sikra data
• forklare korleis enkle feilkorreksjonsmetodar kan brukast for å beskytte data mot feil

Generell kompetanse

• Studenten kan diskutere kva for metodar i kryptografi og kodeteori som vil vere effektive for å beskytte data.

Undervisninga gjevast i form av førelesningar og gruppeøvingar

Førelesningar: 4 timar pr. veke i 11 veker
Gruppeøvingar: 2 timar pr. veke i 10 veker

• obligatorisk oppgåve utgjer 20% av karakteren.
• Skriftleg eksamen (3 timar) utgjer 80% av karakteren.

Studierettleiar kan kontaktast her:

mailto:studieveileder@ii.uib.nostudierettleiar

Tlf 55 58 42 00