Målet med kurset er å gi ei innføring i forskingsfeltet menneske-maskin interaksjon (eng. Human-Computer Interaction, HCI). Studentane vil få kunnskap om ei rekke avanserte konsept og tilnærmingar til analyse og design av interaktive system.

I kurset får studentane lære om ulike interaksjonsformer, modalitetar og paradigme i HCI forsking. Dei vil også verte kjent med hovudutfordringane ved å designe interaktive teknologiar og korleis dette kan inngå i ein forskingsprosess. Vi vil gi eit oversyn over utvalte emne i forskingsfeltet, og vil dekkje aktuelle designmessige, metodologiske og teoretiske problemstillingar i feltet.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten...

• kjenner til hovudtema og utfordringar i HCI-forskinga i dag, og til nye forskingsproblemstillingar
• kjenner til sentrale og aktuelle omgrep, metodar og tilnærmingar i HCI-forskinga
• forstår dei sosiale implikasjonane av interaktive teknologiar

Ferdigheitar

Studenten...

• kan diskutere korleis omgrep og metodar kan nyttast i analyse, design og evaluering av interaktive teknologiar
• kan planleggje og implementere utforskande prosjekt for å skissere og prototype nye interaktive teknologiar og interaksjonsformer
• kan presentere og diskutere sentrale tema i HCI-feltet, både munnleg og skriftleg
• kan arbeide i team for å skape og evaluere prototypar for nye interaktive teknologiar
• kan jobbe i team for å dokumentere produksjon og evaluering av nye interaktive teknologiar

Generell kompetanse

Studenten...

• kan tileigne seg ny kunnskap
• kan reflektere over eigen læringsprosess
• kan arbeide i team i ulike roller

• Obligatoriske oppgåver som må godkjennast før studenten kan gå opp til eksamen
• Obligatorisk deltaking (80 %)

Godkjende obligatoriske arbeidskrav er berre gyldig inneværende semester.

Semesteroppgåve i grupper (40%)

Mappevurdering (30%)

• skal innehalde eit refleksjonsnotat (som dokumenterer refleksjon over eiga deltaking og læring i kurset)
• eit utval av minst to mindre oppgåver som vert gitt i kurset

Individuell munnleg eksamen (30%)