• ta på seg eit oppdrag for ein ekstern oppdragsgivar, kommunisera under arbeidet, og levera eit produkt i samsvar med oppdraget
• avgrensa ein stor tematikk, peika ut krav, planlegga arbeidet, kommunisera med oppdragsgivar og medstudentar
• gjennomføra stort, praktisk utviklingsprosjekt i samarbeid med to eller tre andre studentar
• læra ein eller fleire vanskelege nye ferdigheiter i løpet av kurset, til dømes eit nytt programspråk, ein ny sjanger, etc.
• utføra spesielt kompetent arbeid innafor enten design, programmering, brukartesting, videoproduksjon eller journalistikk
• anvenda metodiske og teoretiske innsikter til å formulera ein sjølvstendig posisjon i forhold til utviklingsarbeidet
• formulera seg kritisk om eigen innsats, og evaluera prosjektet i heilskap

Evalueringsgrunnlaget er eit større internettbasert produksjons- og formidlingsarbeid, pluss skriftleg rapportering og analyse.

Evalueringsgrunnlaget er todelt, og består av ei gruppeinnlevering og ei individuell innlevering (bacheloroppgåve).

Gruppeinnleveringa utgjer 50 % av karakteren, og skal bestå av ein produksjon, ein rapport på 1500 ord og ein pitchvideo. Den individuelle bacheloroppgåva utgjer 50 % av karakteren, og består av ein fagleg analyse av produksjonsarbeidet på 6000 ord.