Overordna mål:

Å gi kunnskap om grunnleggjande omgrep rundt påverknad frå klimatiske forhold og biologiske faktorar på arbeidsplassen.

Innhald:

• Kjelder til bioaerosolar (bakteriar, virus, mugg, celledelar)
• Biologiske faktorar i ulike arbeidsmiljø
• Helseeffektar av biologiske faktorar i arbeidsmiljø
• Overvaking av biologiska faktorar i arbeidsmiljø
• Tiltak for å førebygga effektar av skadelige biologiske faktorar i arbeidsmiljø
• Parameter for inneluft; luftforureining og termiske faktorar
• Inneklima og helse
• Overvaking av inneklima
• Tiltak for forbetring av inneklima
• Varmestress på arbeidsplassen
• Kaldt arbeidsmiljø

Læringsutbyte:

Kunnskapar

Etter fullført emne skal studentane kunne:

• gjere greie for ulike klassar bioaerosolar og deira kjelder
• definere kva bioaerosolar som er mest relevant på ulike arbeidsplassar
• identifisere og forklare metodar for å kartleggje ulike klassar av bioaerosolar
• gjere greie for helseeffektar av ulike klassar av bioaerosolar
• forklare aktuelle førebyggjande tiltak
• gjere greie for arbeidsrelatert allergi; kjelder, agens og mekanismar
• gjere greie for helseplager som er forbunde med dårleg inneklima
• gjere greie for termiske faktorar og om forureiningar i innklimaet
• forstå effektar av tiltak som til dømes ventilasjon i kontor, forsamlingslokale, skular o.l.
• gjere greie for effektar av særlig varmt og særleg kaldt arbeidsmiljø

Ferdigheiter

Etter fullført emne skal studentane kunne:

• planleggje og utføre ein inneklimakartlegging
• gi råd om tiltak for å betre inneklimaet
• bruke metodar for å kartleggje ulike klassar av bioaerosolar
• lage planar for hindre varmestress og kulde

Generell kompetanse

• integrere kunnskap frå ulike fagområde
• skape god samhandling og gode samarbeidsrelasjonar mellom ulike aktørar innan arbeidsmiljøfeltet
• utøve ein vitskapleg tenkjemåte, og vise ei kritisk tilnærming til forskingsresultat
• skriftleg og munnleg formidling

Kurset går over fire veker og inneheld førelesingar, feltarbeid, gruppearbeid, skriftleg innlevering av individuell oppgåve, studentpresentasjonar og kritisk analyse av relevante vitskaplege artiklar.

Feltarbeidet og den individuelle oppgåva er essensielle delar av kurset med arbeidsmengde spreidd over heile kursperioden.

Feltarbeidet som omfattar inneklimaproblematikk, medfører førebuande teoretisk og praktisk arbeid, litteratursøk, prosessbeskriving, datainnsamling, dataanalyse, skriftleg innlevering og presentasjon av resultat og konklusjonar for diskusjon i forskingsgruppa.

Den individuelle oppgåva omfattar relevante tilhøve i industrien med fokus på tiltak for å vurdere eksponering for bioaerosolar, evt. varmestress, og tiltak for å redusere slik eksponering. Den endelege rapporten skal presenterast for diskusjon i forskingsgruppa.

Institutt for global helse og samfunnsmedisin,

Arbeids- og miljømedisin

studie@igs.uib.no

Emneansvarleg: Bente E. Moen

http://www.uib.no/personer/Bente.Moen