Studenten skal få ei innføring i italiensk historie og kultur frå om lag 1800 og fram til i dag, og ei innføring i dei politiske, litterære og samfunnsmessige tilhøva i det 20. hundreåret. Studentane skal også vere i stand til å sjå italiensk samfunn og kultur i den historiske konteksten.

Tileigning av basiskunnskap om italiensk historie og samfunnstilhøve er nøye knytt til trening i å lese og uttrykkje seg skriftleg og munnleg på italiensk om desse emna.

Etter fullført emne:

Kunnskapar

Studentane

- har tileigna seg kunnskapar som kan bidra til ei betre forståing av generelle kulturelle og samfunnsmessige tilhøve i Italia

Undervisninga har form av oversynesførelesingar, munnlege øvingar og skriftlege øvingsoppgåver.

Det vert normalt undervist 6 timar kvar veke 12 veker.

Om det melder seg færre enn fem studentar til eit emne, kan undervisningstilbodet bli tilpassa studentalet. Studentane vil i så fall bli informerte om det alternative undervisningsopplegget ved semesterstart, og før semesterregistreringsfristen 1. februar/1. september.

Studentane må delta på eit obligatorisk rettleiingsmøte med faglærer for å få høve til å levere eksamensoppgåva.

Obligatoriske arbeidskrav er gyldige berre i undervisningssemesteret.

ITAL113 har todelt eksamen:

1. Eksamen er ei rettleidd semesteroppgåve på om lag 1800 ord skriven på fire veker parallelt med undervisninga på slutten av semesteret. Oppgåva skal skrivast på italiensk.
2. Munnleg eksamen.

Ved fastsetjing av endeleg karakter i emnet tel semesteroppgåva 40 prosent og munnleg eksamen 60 prosent.

Begge deleksamenane må vere greidde i same semester.