Emnet skal gje kjennskap til italiensk språk av i dag basert på eit pensum i grammatikk, som normalt vil vere på italiensk.

ITAL201 kombinerer grammatikk og omsetjing til og frå norsk basert på eit teoripensum og praktiske øvingar.

Etter fullført emne:

Kunnskapar

Studentane

• har ei djupare innsikt i språkvitskaplege omgrep og apparat for grammatisk analyse
• har ein djupare kunnskap om italiensk språkstruktur
• har evne til å uttrykkje seg skriftleg på italiensk og vere i stand til å skrive resonnerande tekstar på italiensk

Dugleik

Studentane

• kan omsetje middels vanskelege tekstar innanfor ulike sjangrar
• har innsikt i kontrastive problemstillingar i omsetjing mellom norsk og italiensk

Generell kompetanse

Studentane

• kan vidareutvikle kunnskap og dugleik på sjølvstendig vis

Det vert gjeve om lag 4 timar undervisning i veka i 12 veker:

2 timar seminar i omsetjing frå italiensk til norsk og frå norsk til italiensk

2 timar førelesing i italiensk grammatikk.

Om det melder seg færre enn fem studentar til eit emne, kan undervisningstilbodet bli tilpassa studentalet. Studentane vil i så fall bli informerte om det alternative undervisningsopplegget ved semesterstart, og før semesterregistreringsfristen 1. februar/1. september.

Eksamen i emnet er todelt:

1) Ein skriftleg skoleeksamen på fire timar i grammatikk. Grammatikkoppgåva vil vera på italiensk, og det skal svarast på italiensk.

2) Ein skriftleg skoleeksamen på fire timar i omsetjing frå italiensk til norsk og frå norsk til italiensk.

Dei to eksamensdelane er sjølvstendige delar av eksamen i emnet og tel kvar 50 prosent av den samla karakteren i emnet. Begge eksamensdelane må vere greidde i same semester.

Skoleeksamen kan bli digital.

Studentane har høve til å nytte si eiga italiensk-italienske ordbok under eksamen.

Ordboka skal vera fri for tilføyingar.