ITAL252 omfattar studium av sentrale tekstar i eldre italiensk litteratur. Pensum inneheld sentrale tekstar frå 1300-tallet og 1500-tallet. Tekstane skal studerast i eit litteraturhistorisk og teoretisk perspektiv.
ITAL252 skal gje ei djupare og vidare forståing av eldre italiensk litteratur.
Etter fullført emne har kandidaten:
- innsikt i dei utvalte pensumverka
- kunnskap om den kulturhistoriske konteksten til verka
- kunnskap om sentrale litterære omgrep
Etter fullført emne kan kandidaten:
- bruke dei tileigna omgrepa i sjølvstendige analysar av pensumtekster
- analysere tekstane tematisk og i kulturhistorisk perspektiv
- drøfte, skriftleg og munnleg, problemstillingar knytte til pensum
- formidle kunnskapar innanfor eige fagområde på munnleg og skriftleg italiensk
- planleggje og gjennomføre arbeidsoppgåver som strekkjer seg over ei viss tid
- vidareutvikle kunnskapane sine, dugleik og forståing gjennom vidare studium og yrkesliv
Førelesingar og seminar
4 timer i veka i 12 veker
Semesteroppgåva, som skal skrivast på fire veker, er rettleidd, og studentane må delta på to obligatoriske rettleiingsmøte for å ha høve til å levere oppgåva.
Obligatoriske arbeidskrav er gyldige i det påfølgjande semesteret etter det semesteret dei vart godkjende.
Eksamen er todelt:
Semesteroppgåva tel 40 prosent og den munnlege eksamen tel 60 prosent av den samla karakteren i emnet.
Kandidatar som får karakteren F på semesteroppgåva, får ikkje gå opp til munnleg eksamen. Kandidatar som får F på den munnlege eksamen, får F som samla karakter for emnet. Begge eksamensdelane må vere greidde i same semester.
Oppgåva fyller kravet til det sjølvstendige arbeidet som skal gå inn i bachelorgraden.