JAP211 byggjer på JAP111/112 og har undervisning på tidleg mellomnivå i og om det japanske språket, med lik vekt på munnleg og skriftleg produksjon og forståing.

• ha tileigna seg grammatikk, vokabular og skriftteikn på tidleg mellomnivå (rundt 500 teikn).
• kunna lesa og forstå autentiske tekster og omsetja dei til eller gjengi dei på norsk.
• kunna halda ei tilpassa samtale på japansk i normalt taletempo og kunna uttrykkja eigne synspunkt.
• kunna skriva stilar om generelle tema og uttrykkja eigne synspunkt og vurderingar skriftleg ved hjelp av ordbok.
• omsette utvalde, autentiske tekster frå japansk til norsk ved hjelp av ordbok
• vera budde for å nærma seg nivå N3 i Japanese Language Proficiency Test.

Undervisninga vil bli gitt i form av førelesingar og samtalegrupper.

6 førelesingar og 2 gruppetimar i veka i 12 veker.

Eksamen består av to delar:

1. Seks timar skriftleg eksamen i lesedugleik, grammatikk og skrivedugleik.
2. Ei munnleg prøve på japansk.

Begge eksamensdelane må vera greidde i same semester. Skriftleg eksamen tel 60% og munnleg prøve tel 40% når den endelege karakteren vert fastsett.

Eksamen vert arrangert kvart semester.

 Pensum inneheld eit læreverk i japansk på mellomnivå med tilhøyrande cd-ar. Verket inneheld dialogtekstar, prosatekster, grammatikkutgreiingar, praktiske øvingar og skriftteikn. Studentane får òg ei innføring i bruk av japanskspråkleg internett.

Det blir utarbeidd ei liste over tilrådd tilleggslitteratur (grammatikkbøker, oppslagsverk og øvingar på internett).

Institutt for framandspråk.

studierettleiar@if.uib.no eller studieveileder@if.uib.no