Emner: JAP251 Japan: Kultur og samfunn med semesteroppgave - Vår 2014

Studiepoeng

15.0

Studienivå (studiesyklus)

Bachelor

Undervisningsspråk

Norsk

Undervisningssemester

Kvar vår

Undervisningsstad

Bergen

Mål og innhald

Målet er å gi breiddekunnskapar om det japanske samfunnet og om korleis det har utvikla seg til ein moderne nasjon. Ein skal òg få ei djupare forståing for einskilte, utvalte tema og få trening i kritisk lesing av ulike akademiske tekstar, og skriving av slike.

Læringsutbyte

Studentane skal

ha fått fordjupa kunnskapar om enkelttema knytte til det japanske samfunnet
kunna delta i norskspråklege diskusjonar om Japan-relaterte tema ved å formulera argument og bidra med relevant kunnskap
kunna leita fram seriøs kjeldelitteratur om visse Japan-relaterte tema og nemna og bruka dei i samband med oppgåveskriving.
kunna lesa akademisk tekst på engelsk eller norsk med kritisk og kunnskapsbasert blikk.
kunna formulera ei problemstilling innanfor eit Japan-relatert tema, reflektera over omgrep og termar, handsama kjelder, argument og kunnskap og skriva om temaet på ein reflektert og grundig måte.
kunna ta imot og læra av kritiske kommentarar mot eigen tekst både med omsyn til struktur, argumentasjon og formuleringar.

Krav til forkunnskapar

Ingen

Tilrådde forkunnskapar

Krav til studierett

Emnet er ope for alle med studierett ved UiB.

Undervisningsformer og omfang av organisert undervisning

Undervisninga vil bli gitt i form av førelesingar og seminar.

2 timar per veke i 12 veker, samt 2 timars seminar kvar veke i 6 av dei 12 vekene.

Obligatorisk undervisningsaktivitet

Det er obligatorisk å delta i seminar om tema for semesteroppgåva. Dei som skal skriva oppgåve om sjølvvalt emne, må i staden gjennomføra ein munnleg presentasjon av semesteroppgåva i plenum. Seminardeltaking/presentasjon må godkjennast for at oppgåva skal kunna leverast. Det er obligatorisk å møta til rettleiing to gonger på semesteroppgåva.

Dei godkjente arbeidskrava er gyldige i to semester utover undervisningssemesteret.

Vurderingsformer

Ei rettleidd semesteroppgåve på 10-15 A4-sider med fastsett eller sjølvvalt emne.

Eksamen vert arrangert kvart semester. Det vert ikkje gitt rettleiing i semester utan undervisning.

Karakterskala

Ved sensur av emnet nyttar ein karakterskalaen A-F, der F er stryk.

Fagleg overlapp

JAP210 og JAP250

Vurderingssemester

Litteraturliste

Pensum består av artiklar frå bøker og tidsskrift som er eigna til diskusjon og framføring av argumentasjon.

Emneevaluering

Undervisninga vert evaluert i tråd med UiB sitt kvalitetssikringssystem.

Kontaktinformasjon

Institutt for framandspråk.

studierettleiar@if.uib.no eller studieveileder@if.uib.no