Norsk

Målet med emnet er å føre dei metodiske, analytiske og teknologiske perspektiva frå JOU102 vidare. Omdreiingspunkt for utforskinga er no særleg dokumentar på ulike plattformar. Også kommentarsjangeren og nye journalistiske digitalformat har ein plass her. Journalistikken sine former opnar slik for analytisk djupnekunnskap, profesjonsretta refleksjon og praktisk trening i journalistisk historiefortelling i både tekst, lyd, stillbilde og video. Det blir lagt særleg vekt på å utvikle vidare innsikt i samspelet mellom det audiovisuelle og det verbale, og på forståing og drøfting av etiske retningslinjer og dilemma knytte til teknologiforståing og oppøving av digitale ferdigheiter.

Modul 1 gir grunnleggande innsikt i sentrale element ved reportasje/dokumentar som sjanger, uavhengig av plattform. Gjennom ein serie seminar og workshops blir det arbeidd med ulike forteljande tilnærmingar og korleis dei kan optimaliserast gjennom ulike verkemiddel på den einskilde plattforma. Innsikt i aspekt ved nærleik til miljø, personar og prosessar står sentralt. Studenten gjer oppgåver knytte til tre workshops om dokumentaren sine former. Etiske refleksjonar og dilemma er ein integrert del av modulen.

Modul 2 gir høve til spesialisering i dokumentar på valfri plattform. Avhengig av lærekrefter og aktuelle tema i samfunnsdebatten, vil ein i denne modulen gå djupare inn i aspekt ved til dømes kriminaljournalistikk, helse, økonomi, sport, kultur, innovasjon, miljø eller kjønn.

Modul 3 gir grunnleggande innsikt i sentrale aspekt ved kommentarar. Med kommentar forstår vi her både redaksjonelle kommentarar og kommentarar frå brukarar av til dømes kommentarfelt. Sjangeren blir utforska på tvers av plattformer og verktøy. Studenten trener seg på ulike former for kommentar gjennom strukturerte øvingar og oppgåver.

Studenten skal ved avslutta enme ha følgjande læringsutbytte:

Kunnskap:

Studenten

• har kunnskap om, og ferdigheiter i, ulike former for reportasje/dokumentar der spesielle verkemiddel på dei einskilde plattformene blir brukte
• demonstrerer god innsikt i berande prinsipp for ulike typar kommentar i norske nyheitsmedier, og evne til å reflektere kritisk over nye dilemma innafor sjangeren kommentar
• har god innsikt i grunnleggande prinsipp for audiovisuell historiefortelling

Ferdigheiter:

Studenten

• demonstrerer kompetanse på dokumentariske tilnærmingar innafor eit nærmare spesifisert felt av journalistikken

Generell kompetanse:

Studenten

• har innsikt i og kan reflektere rundt etiske retningslinjer og dilemma knytt til teknologiforståing og oppøving av digitale ferdigheiter innan journalistikk
• kan formidle sentralt fagstoff som teoriar, problemstillingar og løysingar både skriftleg, munnleg og gjennom andre relevante uttrykksformer
• kan utveksle synspunkt og erfaringar med andre som har ein bakgrunn innafor fagområdet journalistikk

• MEVI165 (10 sp)
• MEVI168 (10 sp)

Studentar som tidlegare har gjennomført MEVI165 og/eller MEVI168 oppmodast til å ta kontakt med studierettleiar.

• Innlevering av reportasjar
• Innlevering av refleksjonsoppgåve

Dei obligatoriske aktivitetane må vere godkjende før studenten kan gå opp til eksamen.

Godkjente obligatoriske krav har ingen tidsavgrensing.

Institutt for informasjons- og medievitskap