Emner: KUN121 Kunst og arkitektur i antikk og middelalder (ca. 600 f.Kr-1400) - Vår 2014

Studiepoeng

15.0

Studienivå (studiesyklus)

Bachelor

Undervisningsspråk

Norsk

Undervisningssemester

Vår

Undervisningsstad

Bergen

Mål og innhald

Undervisninga skal gi eit innblikk i kunst og visuell kultur i antikken og mellomalderen. Førelesingsrekka starter med ei innføring i sentrale tolkingsverktøy (arkitekturanalyse, bilettolking). Innan antikken vert gresk kunst og arkitektur frå arkaisk til og med hellenistisk tid ca. 600 f. Kr ¿ ca. år 0), og romersk kunst og arkitektur til og med seinantikken og tidleg kristen tid lagt særleg vekt på. Mellomalderen dekker bysantinsk kunst, arkitektur og visuell kultur (ca. 330-1453), og kunst, arkitektur og visuell kultur i sentrale delar av Vest-Europa med Noreg, fram til ca. 1400. Vi vil sette konkrete verk inn i ein kontekst, og diskutere dei ut frå historiske, kulturelle, estetiske, tekniske, ikonografiske, religiøse og teoretiske perspektiv.

Læringsutbyte

Etter å ha fullført emnet skal studenten

kjenne til sentrale trekk innan biletkunst, arkitektur og visuell kultur frå antikken og mellomalderen.
kjenne til grunnlagsproblem innan kunsten i perioden
kunne nytte kunsthistorisk metode til å analysere og reflektere over spørsmål kring eldre kunst og visuell kultur.
kunne vise geografisk tilhøyring og datering av ulike kunstverk frå perioden.
kunne formidle kunnskapen sin munnleg og skriftleg for eit generelt publikum, på ein akademisk måte.
ha basiskunnskap om utviklinga av kunsthistoria som disiplin.

Krav til forkunnskapar

Ingen

Tilrådde forkunnskapar

Ingen

Krav til studierett

Emnet er ope for alle med studierett ved Universitetet i Bergen. Denne eksamenen er og open for personar utan studierett, etter søknad til Det humanistiske fakultet.

Undervisningsformer og omfang av organisert undervisning

Undervisinga blir gitt som førelesingar, normalt 12-14 dobbelttimer.

Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mi Side. På emne der dette kan vere aktuelt vil studentane får informasjon om det ved semesterstart, og før fristen for semesterregistrering 1. februar / 1. september.

Obligatorisk undervisningsaktivitet

Ingen

Vurderingsformer

Eksamen er ei 6 timars skuleeksamen.

Karakterskala

Karakterskala A til F

Fagleg overlapp

Emnet har full overlapp med tidligare emne KUN111.

Vurderingssemester

Litteraturliste

Pensum er på om lag 1000 sider.

Emneevaluering

Evaluering blir gjennomført i tråd med UiBs kvalitetssikringssystem.

Institutt

Institutt for lingvistiske, litterære og estetiske studium.

E-post: studierettleiar@lle.uib.no