Emnet skal gi eit overblikk over kunst, arkitektur og visuell kultur i tidleg nytid, sett i ein brei kulturhistorisk og sosial kontekst. Emnet vil konsentrere seg om kunsten i sentrale delar av Europa, og det austlege Middelhavet og Noreg, frå ca1400 fram til ca. 1750. Vi vil drøfte konkrete verk ut frå historiske, kulturelle, estetiske, tekniske, ikonografiske, religiøse og teoretiske perspektiv. Vi vil óg problematisere historiske periode- og stilomgrep , og sjå på ulike historiske forståingar og teoriar om «kunst». Førelesningsrekka startar med ei innføring i sentral tolkingsverktøy i faget, både bilet- og arkitekturanalyse.

Val av tematisk tyngdepunkt kan variera frå semester til semester.

Etter å ha fullført emnet skal studenten

• ha brei kunnskap om kunst, arkitektur og visuell kultur i tidlig moderne tid frå omkring 1400 til byrjinga på 1700-talet.
• ha grunnleggande kjennskap til bilet- og arkitekturanalyse
• kunne syne evne til kritisk refleksjon over kunst, arkitektur og visuell kultur frå perioden.
• kunnevurdere tidlege periodar sine visuelle utrykk.
• kjenne normer og retningsliner for akademisk arbeid.

 Institutt for lingvistiske, litterære og estetiske studium.

E-post: studierettleiar@lle.uib.no