Fagleg innhald

Emnet tematiserer det materielle si rolle i sosialt og kulturelt liv. Gjennom materielle praksisar og erfaringar er menneska kontinuerleg i dialog med vår fysiske verd. Våre omgjevnader utgjer eit erfaringsrom som dannar praktiske, meiningsskapande og eksistensielle føresetnader for korleis vi lever. Det materielle har alltid stått sentralt i dagleglivet i form av landskap, bruksting, minnegjenstandar og som naturlege band mellom menneska. Emnet vil fokusere på det materielle som kulturelt fenomen. Dette inneber blant anna å studere endringar relatert både til gjenstandskategoriar og deira meiningssamanhengar i eit historisk perspektiv.

Læringsmål

Emnet skal gi ei innføring i kva betydning materielle omgjevnader og gjenstandar har i vårt daglegliv. Emnet skal lære studentane å sjå det materielle som kulturelle fenomen som kan problematiserast på ulike måtar.

Kunnskapar

Etter fullført studium skal studenten ha kunnskap om det materielle si kulturelle meining og kjenna til forskingslitteratur på feltet.

Ferdigheiter

Studentane har fått øving i å analysera materielle og kulturelle uttrykk og å formidla resultatet i skriftleg og munnleg form.

Generell kompetanse

Studentane har lært å kommunisera om faglege tema med andre med bakgrunn innan det same fagområdet.

Ingen.

Emnet har 7 dagars heimeeksamen og justerande munnleg eksamen. Oppgåva skal ha eit omfang på om lag 3000 ord.

Obligatoriske aktivitetar må vera gjennomførte for at studenten kan gå opp til eksamen.