Bachelor

Norsk

Vår

Bergen

I morfologi skal studentane setje seg inn i følgjande emne og gjere greie for dei:

• avgrensing morfologi/fonologi, teikn kontra figur;
• type/varians-omgrep: morfem, morf, allomorf, morfofonologisk veksling;
• forskjellige ord-omgrep: syntagmatisk ord, ordform, morfo-syntaktisk ord, leksem;
• konstruksjonstypar i ord: stammedanning (samansetjing, avleiing) og bøying;
• emne frå grenseområdet morfologi/syntaks: ulike definisjonsgrunnlag for ordklasseinndeling, viktige morfologiske og syntaktiske kategoriar av nominal og verbal type i ymse språk;
• to hovudmodellar for beskriving av språk: prosess og arrangement.

Studentane skal få god nok forståing og innsikt i dei grammatiske aspekta av menneskeleg språk til at dei meir sjølvstendig kan arbeide vidare med morfologiske emne innanfor språkfag, lingvistikk, datalingvistikk, eller pedagogikk, og kan forstå og til ein viss grad vurdere kritisk innhaldet av det dei les

Ingen

Det blir tilrådd at studenten har avlagt ex.fac.-varianten språk og kommunikasjon eller tilsvarande for å ta lingvistiske emne. Det er også ein føremon dersom studentane har teke eit språkfag på førehand.

Emnet er ope for alle studentar med studierett ved Universitetet i Bergen.

Undervisninga er basert på førelesingar, samt øvingsoppgåver med gjennomgåing i seminar.

Om lag 3 timar pr. veke.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Studenten skal levere inn ei pensumliste til godkjenning.

Skriftleg slutteksamen på tre timar.

Karakterskala frå A til F

Pensum er kapittel frå lærebøker og artiklar, på til saman omlag 150-200 sider.

Evaluering av tilbodet vert gjennomført i tråd med UiBs kvalitetssikringssystem.

Institutt for lingvistiske, litterære og estetiske studium

E-post: studierettleiar@lle.uib.no