Språktypologi er studiet av dei systematiske likskapane og ulikskapane mellom dei grammatiske og fonologiske systema i naturlege språk, og vokabularstrukturen deira. Kurset tek føre seg både meir deskriptive tilnærmingar til dette feltet og tilnærmingar som søkjer å forklare språktypologisk variasjon på grunnlag av grammatiske eller psykolingvistiske teoriar.
For studentar som har teke emnet LING114 (Særspråk) er det naturleg å knyte delar av pensum til det språket dei las der.
Undervisninga blir gjeven i form av førelesingar.
Om lag 3 timar pr. veke.
Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.
Rettleiing i samband med skriving av bacheloroppgåva er obligatorisk, og skal minst ha omfang av eitt rettleiingsmøte der rettleiar har fått lese utkast til oppgåva.
Eksamen har form av ei rettleidd bacheloroppgåve (om lag 3000-4000 ord) over oppgjeve emne.
Karakterskala A-F.
LING250 overlappar med LING204 (15 stp)
Det blir lagt opp eit pensum på om lag 500 sider i tilknyting til dette emnet.
Tilleggspensum er avhengig av om studenten har avlagt eksamen i LING114.
i) For studentar som ikkje har avlagt eksamen i LING114:
Det blir lagt opp om lag 150 sider litteratur med fordjuping innanfor eit særskilt emne, til dømes kasustypologi, tempus og aspekt i typologisk perspektiv, semantisk typologi eller diakron typologi.
ii) For studentar som har avlagt eksamen i LING114:
Det blir lagt opp om lag 80 sider litteratur med språktypologisk vinkling om det særspråket som studenten hadde som særspråk i LING114, og dette språket sin språkfamilie. I tillegg skal studenten leggje opp eit tekstpensum på 5 sider på dette språket. Tekstpensum skal vere av alminneleg vanskegrad, og studenten skal kunne omsetje teksten med hjelp av ordbok og kommentere han grammatisk og typologisk.
Institutt for lingvistiske, litterære og estetiske studium
E-post: studierettleiar@lle.uib.no