Emnet skal gi studentane djupare innsikt i lingvistiske metodar og problemstillingar gjennom sjølvstendig arbeid med ei bacheloroppgåve.

Instituttet tilbyr fleire tema, og studentane vel eitt av dei. Studiet omfattar område innanfor lingvistikk, og må godkjennast av rettleiar.

Fordjupingstema vil veksle frå semester til semester, avhengig av tilgjengelege rettleiarar. Instituttet gir informasjon om kva tema som blir tilbode i god tid før semesterstart.

Emnet gir tilgang til ei spesialisering i lingvistikk.

Kunnskapar

Kandidaten kan:

• sjølvstendig utvikle, avgrense og formulere fruktbare lingvistiske problemstillingar innan temaet
• gjengi sentrale teoriar innan tematikken til bacheloroppgava ut fra forskningslitteraturen.

Ferdigheiter

Kandidaten kan...

• analysere og kritisk vurdere ulike data, metodar og informasjonskjelder og nytte dei til å strukturere og formulere språkvitskaplege resonnement
• uttrykke resonnementa sine om eit språkvitskapleg tema skriftleg i form av ei bacheloroppgåve
• bruke tekstelement som t.d. eksempel, figurar og tabellar i samsvar med vanleg praksis i lingvistiske fag

Generell kompetanse

Kandidaten kan...

• gjennomføre ein sjølvstendig, avgrensa språkvitskapleg studie under rettleiing
• analysere og formulere språkvitskaplege problemstillingar, metodar og resultat
• resonnere, syntetisere og dokumentere faglege framstillingar
• formidle eit sjølvstendig arbeid og meistre språkvitskaplege uttrykksformer

• Ein arbeidsplan skal leggast fram for rettleiar to veker etter ordinær undervisingsstart.
• Studenten skal gi ein munnleg presentasjon av tema for bacheloroppgåva.
• Eit nærast fullstendig utkast skal leggast fram for rettleiar seinast 4 veker før innlevering.
• Rettleiar kan innkalle til eit møte etter kvar innlevering.

Dei obligatoriske aktivitetane er gyldige i undervisningssemesteret