Masterstudiet er samansett av ei masteroppgåve (60 studiepoeng) og seks emne à 10 studiepoeng. Masteroppgåva er eit sjølvstendig, rettleidd forskingsarbeid over eit sjølvvalt emne henta frå éin av dei tre hovuddisiplinane i faget: (1) Spansk lingvistikk; (2) Litteratur og (3) Kulturkunnskap (i samsvar med ressursane på faget). Desse tre disiplinane dannar grunnlaget for dei seks emna som det vert undervist i på studiet. Normert studietid for heile masterstudiet er fire semester.
Kandidaten skal i hovudregelen fullføre kursdelen av masterprogrammet før ein kan levere inn oppgåva.
Kandidaten skal ved avslutta program ha føljande læringsutbyte definert i kunnskapar, dugleikar og generell kompetanse:
Etter fullført studium:
Kunnskapar
Kandidaten
- har solid kunnskap innanfor spansk lingvistikk og latinamerikansk kultur- og litteraturstudium.
- har inngåande kunnskap om fagområdet som vedkjem vitskaplege teoriar og metodar.
- kan bruka kunnskap på nye område innafor språk, kulturkunnskap eller litteratur.
Dugleikar
Kandidaten
- har utvikla ei sjølvstendig og kritisk forståing av forskingstradisjonar innanfor studiet
- har utvikla vidare den språklege dugleiken frå grunnutdanninga.
- kan på sjølvstendig vis ta i bruk metodar og vitskaplege arbeidsteknikkar frå faget i undersøkinga av eit relevant materiale frå éin av dei tre hovuddisiplinane.
Generell kompetanse
Kandidaten
- kan analysera relevante fag-, yrkes- og forskingsetiske problemstillingar.
- kan bruka kunnskapane sine og dugleiken sin på nye område for å gjennomføra spesialiserte arbeidsoppgåver og prosjekt.
- kan kommunisera om faglege problemstillingar, analysar og konklusjonar innanfor fagområdet, både generelt eller med spesialistar.
- kan yta tilskot til nytenking og innovasjonsprosessar.
Mastergradsstudiet byggjer på greidd bachelorgrad eller tilsvarande med spesialisering i Spansk språk og latinamerikastudium. Av dei 90 studiepoenga i spesialiseringa, kan ein byta ut inntil 15 med eit relevant emne frå eit anna fag i tråd med tilrådingane i Det humanistiske fakultetet sine studietilbod. Om kandidaten har studert ved ein lærestad som har krav om minimum 80 studiepoeng med spesialisering/fordjuping, vil dette bli akseptert som opptaksgrunnlag.
Studentar som ønskjer å søkje opptak til masterprogram i spansk språk og latinamerikastudium på anna grunnlag enn det som er oppgitt å vere godkjend spesialisering i faget (sjå studieplanen for spansk språk og latinamerikastudium), må søkje om godkjenning på førehand, seinast innan 1. mars. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal erstatte ei ordinær spesialisering. Ei eventuell godkjenning må leggjast ved søknaden til masterprogrammet.
SPLA311, SPLA312, SPLA313, SPLA321, SPLA322, SPLA323 og SPLA350*
*) Fagmiljøet kan etter søknad godkjenna at inntil tre av emna SPLA311, SPLA321, SPLA312, SPLA322, SPLA313 eller SPLA323 blir bytta ut med andre relevante emne på 300-nivå. Det er ikkje mogeleg å byta ut to emne frå den same disiplinen.
Som eit førebuande ledd i arbeidet med masteroppgåva, må studentane levera ei prosjektskisse. Fristen for å levera prosjektskissa er 1.april/1. oktober i studenten sitt andre semester. Meir informasjon om utforminga av prosjektskissa blir gitt ved semesterstart.
SPLA311 Teori og metode i spansk lingvistikk (10 sp), haustemne
SPLA312 Teori og metode i latinamerikansk litteraturvitskap (10 sp), haustemne
SPLA313 Teori og metode i latinamerikansk historie og kulturkunnskap (10 sp), haustemne
SPLA321 Spansk lingvistikk (10 sp), våremne
SPLA322 Latinamerikansk litteratur (10 sp), våremne
SPLA323 Latinamerikansk historie og kulturkunnskap (10 sp), våremne
SPLA350 Masteroppgåve (60 sp), haust- og våremne, obligatorisk
Faglege føresetnader for alle emna er spesialisering i spansk språk og latinamerikastudium.
Masterstudiet vil normalt vere eit firesemesters fulltidsstudium som byggjer på ei fagleg fordjuping i spansk språk og latinamerikastudium på 90 studiepoeng frå bachelorstudiet. Masterstudiet femner om ein kursdel på til saman 60 studiepoeng og ei masteroppgåve (SPLA350), som òg er på 60 studiepoeng.
Hovudopptaket til studiet er i haustsemesteret, men det er òg mogleg å søkja opptak til vårsemesteret. For studentar som startar i haustsemesteret, vil ein normal progresjon i studiet kunna vere slik tabellen syner:
1. semester: SPLA311, SPLA312 og SPLA313
2. semester: SPLA321, SPLA322 og SPLA323/Innlevering av prosjektskisse til masteroppgåve
3. semester: Masteroppgåve
4. semester: Masteroppgåve
For studentar som startar i vårsemesteret, vil ein normal progresjon i studiet kunne vere slik:
1. semester: SPLA321, SPLA322 og SPLA323
2. semester: SPLA311, SPLA312 og SPLA313/Innlevering av prosjektskisse til masteroppgåve
3. semester: Masteroppgåve
4. semester: Masteroppgåve
Alle som har studieplass på masterstudiet, har rett til individuell rettleiing i samsvar med ressursane på faget. Student og fagmiljø skal teikna ein innbyrdes forpliktande rettleiingskontrakt seinast i andre semester, oftast etter vurdering av prosjektskissa og alltid i samsvar med ressursane på faget. Tema for masteroppgåva skal godkjennast av rettleiar.
Tildeling av rettleiar skjer på bakgrunn av ressursane på faget. Det er mogleg for studenten å byte tema undervegs. Ved byte av rettleiar skal ny rettleiingskontrakt underteiknast.
Det blir gitt førelesingar der frammøte blir tilrådd. Det er obligatorisk frammøte til rettleiing i skriving av essay eller skisse til masteroppgåveprosjektet.
Rettleiing per e-post/telefon blir berre gitt i heilt særskilde høve, og då etter godkjenning av søknad til instituttet.
Vurderingsformer på emna er; mappevurdering (SPLA311), munnleg eksamen (SPLA312, SPLA323), heimeeksamen (SPLA313) og rettleidd semesteroppgåve (SPLA321, SPLA322)
Mastergradsoppgåva blir vurdert av to sensorar, ikkje rettleiar.
Du søkjer opptak til Det historisk-filosofiske fakultet. Søknadsfristen er 1. juni for studiestart i august. Meir informasjon om opptak og søknadsprosedyrar finn du på http://studere.uib.no/opptak/master.
Masterstudiet er samansett av ei masteroppgåve (60 studiepoeng) og fire emne à 15 studiepoeng. Masteroppgåva er eit sjølvstendig, rettleidd forskingsarbeid over eit sjølvvald emne henta frå éin av dei tre hovuddisiplinane i faget: (1) Spansk lingvistikk; (2) Litteraturstudiar og (3) Kulturkunnskap. Desse tre disiplinane dannar grunnlaget for emna SPLA301-SPLA303. I tillegg kjem emnet SPLA304, som er knytt til masteroppgåva. Normert studietid for heile masterstudiet er fire semester.
Masterstudiet tek sikte på å utvikla ei sjølvstendig og kritisk forståing av forskingstradisjonar innan spansk lingvistikk og latinamerikanske kultur- og litteraturstudium. Det skal dessutan utvikla vidare den språklege dugleiken frå grunnutdanninga. I arbeidet med masteroppgåva skal studenten på sjølvstendig vis ta i bruk metodar og vitskapelege arbeidsteknikkar frå faget i undersøkinga av eit relevant materiale frå éin av dei tre hovuddisiplinane.
Masterprogrammet byggjer normalt på avslutta treårig bachelorgrad med godkjent spesialisering (fordjuping) i spansk språk og latinamerikastudium (60 studiepoeng på 100-nivå, 30 studiepoeng på 200-nivå) eller liknande utdanning. Dersom du har studert ved ein lærestad som har krav om minimum 80 studiepoeng med spesialisering (fordjuping), vil dette bli akseptert som opptaksgrunnlag.
Studentar som ønskjer å søkje opptak til masterprogram i spansk språk og latinamerikastudium på anna grunnlag enn det som er oppgitt å vere godkjent spesialisering i faget (sjå studieplanen for spansk språk og latinamerikastudium), må søkje om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjas ved søknaden til masterprogrammet.
I arbeidet med masteroppgåva skal du på sjølvstendig vis ta i bruk metodar og vitskaplege arbeidsteknikkar frå faget i undersøkinga av eit relevant materiale frå éin av dei tre hovuddisiplinane.
Masteroppgåva er eit sjølvstendig, rettleidd forskingsarbeid over eit sjølvvald emne henta frå ein av dei tre hovuddisiplinane i faget: (1) spansk lingvistikk, (2) litteratur og (3) kulturkunnskap. Masteroppgåva utgjer den viktigaste delen av masterprogrammet og er normert til 2 semester med intensivt arbeid. Tema for masteroppgåva kan i prinsippet veljast fritt etter samråd med faglærar, men vil i praksis vere styrt av dine faglege føresetnader og rettleiarens forskingsfelt. Masteroppgåva skal skrivast på spansk og bør normalt ha eit omfang på 70-110 sider, medrekna bibliografi.
Internasjonalt samarbeid og samkvem skapar aukande behov for kompetanse i spansk språk og latinamerikansk kultur og historie. Av relevante yrkesalternativ kan vi nemne: omsetjingsarbeid, media, forlag, reiseliv, næringsliv, offentlege institusjonar, hjelpearbeid og liknande. Masterprogrammet i spansk språk og latinamerikastudium gir dessutan god bakgrunn for undervisningsoppgåver på høgare nivå, spansk er valfritt undervisningsfag i grunnskole og vidaregåande skole. Masterprogrammet er også utgangspunkt for forskarutdanning innan spansk språk, litteratur- og kulturkunnskap.
Litteraturliste finn ein på Mitt UiB
Lista vil vere klar innan 01.06 / 01.12 for det komande semesteret.
Hovudopptak haust.
Oppbygging og progresjon
Masterstudiet vil normalt vere eit firesemesters fulltidsstudium som byggjer på ei fagleg fordjuping i spansk språk og latinamerikastudium på 90 stp. frå bachelorstudiet. Masterstudiet femner om ein kursdel (SPLA301-304) på til saman 60 studiepoeng og ei masteroppgåve (SPLA350), som og er på 60 studiepoeng.
Hovudopptaket til studiet er i haustsemesteret, men det kan vere mogeleg å søkje opptak til vårsemesteret.
Eit masterprogram i spansk språk og latinamerikastudium kan sjå slik ut:
1. semester (haust):
SPLA301 - Spansk lingvistikk, 15 sp, obligatorisk *
SPLA304 - Førebuing til masteroppgåva, 15 sp, obligatorisk
2. semester:
SPLA302 - Latinamerikansk litteratur, 15 sp, obligatorisk *
SPLA303 - Latinamerikansk historie,15 sp, obligatorisk *
3. og 4. semester:
SPLA350 - Masteroppgåve, 60 sp, obligatorisk
* Seksjonen kan etter søknad godkjenna at eitt av emna SPAL301, SPLA302 eller SPLA303 blir bytta ut med eit anna relevant emne på 300-nivå.
Alle som har studieplass på masterstudiet, har rett til individuell rettleiing. Student og seksjon skal teikna ein innbyrdes forpliktande rettleiingskontrakt i første eller andre semester, avhengig av kva semester studenten følgjer emnet SPLA304. Tema for masteroppgåva skal godkjennast av rettleiar.
E-post: studieveileder@roman.uib.no
Tlf.: 55 58 84 38/ 55 58 23 33