Studieprogram: MAHF-TEAT Masterprogram i teatervitenskap - Høst 2014
Omfang og studiepoeng
Masterprogrammet i teatervitskap har eit omfang på 120 studiepoeng og er normert til to år. Masterprogrammet er bygd opp med ein kursdel på 60 studiepoeng og ei masteroppgåve på 60 studiepoeng. I kursdelen er 45 studiepoeng knytt til obligatoriske emne og 15 studiepoeng knytt til valemne.
Fulltid/deltid
Masterprogrammet er organisert som eit fulltidsstudium, men kan etter søknad også takast som eit 50 % deltidsstudium.
Undervisningsspråk
Norsk
Studiestart - semester
Hovudoppstart er om hausten, med eventuelt suppleringsopptak om våren.
Mål og innhald
Masterstudiet i teatervitskap er forankra i ein humanvitskapleg og estetisk-hermeneutisk fagtradisjon. Gjennom studiet skal studenten få fordjupa forståing for teater som kunstnarisk uttrykk i samfunnet. Studiet skal gi god innsikt i vitskaplege problemstillingar og metodar i høve til dei systematiske områda i faget: dramaturgi, skodespelarkunst, regi, scenografi og teaterkritikk. Studiet skal gi innsikt i og fortrulegheit med nyare teoriar og metodar i teatervitskapen.
Undervisinga som vert gitt skal i størst mogleg grad vere forskingsbasert, fagleg oppdatert og tilpassa teaterfeltet og kultursektoren sine behov for kunnskap.
Læringsutbyte
Kunnskapar
Etter fullført mastergrad har studenten
- avanserte kunnskapar om teateret si historie og dei systematiske områda i teatervitskapen
- avanserte og detaljerte kunnskapar på eige spesialfelt (masteroppgåva)
- omfattande og gode kunnskapar om teatervitskapelege teoriar og forskingsmetodar
- god forståing for dei underliggande vitskapsteoretiske problemstillingane i teatervitskapen
- grunnleggjande kjennskap til forskingsetiske og yrkesetiske spørsmål innan teater og teaterforsking
Ferdigheiter
Etter fullført mastergrad kan studenten
- planleggje og gjennomføre eit større sjølvstendig forskingsprosjekt under rettleiing
- nytte teatervitskapelige teoriar og metodar til å analysere nye faglige problemstillingar innan fagområda i teatervitskapen
- analysere og forholda seg kritisk til etablerte teatervitskapelige teoriar
- analysere og forholda seg kritisk til ulike typar av informasjonskjelder
- tileigne seg ny kunnskap ut over lærestoffet som inngår i studiet, og nytte denne kunnskapen innan forsking og formidling
Generell kompetanse
Etter fullført mastergrad kan studenten
- drøfte, argumentere og ta sjølvstendig standpunkt til problemstillingar innan teaterforsking, praktisk teater og teaterpolitikk
- formulere løysingsforslag til teaterrelaterte problemstillingar i tekst og munnleg framføring
- bidra til kritisk nytenking og fagleg utvikling innan teater og teatervitskap
Opptakskrav
Masterstudiet i teatervitskap byggjer på oppnådd bachelorgrad med 90 studiepoeng spesialisering i teatervitskap eller tilsvarande
Studentar som har oppnådd bachelorgraden med ei anna studiebakgrunn, kan søkje om særskilt opptak til masterprogrammet i teatervitskap.
Tilrådde forkunnskapar
På masterstudiet vil det vere ein fordel om studentane meistrar eit minimum av tysk og/eller fransk.
Obligatoriske emne
Dei obligatoriske emna er:
http://www.uib.no/emne/TEAT301TEAT301: Teaterhistorie, historiografi og vitskapsteori
http://www.uib.no/emne/TEAT302TEAT302: Teatervitskap: Prosjektskildring
http://www.uib.no/emne/TEAT303TEAT303: Teatervitskap: Teoretisk fordjuping i eit systematisk område
Tilrådde valemne
Studenten skal velje eitt av tre valemne: http://www.uib.no/emne/TEAT311
http://www.uib.no/emne/TEAT311TEAT311: Teatervitskap: Seminarinnlegg innan eit sjølvvalt område
http://www.uib.no/emne/TEAT312TEAT312: Innlegg i samband med ekskursjon
http://www.uib.no/emne/TEAT313TEAT313: Prosjektoppgåve basert på deltaking i teaterproduksjon
Valemnet kan bytast ut med emne på masternivå frå andre fag eller universitet. Innpass av slike emne må godkjennast av fagmiljøet før emnet kan takast inn i programmet.
Rekkefølgje for emne i studiet
Dette er ei rettleiande oversikt over eit mogleg studieløp og er basert på studiestart i haustsemesteret:
1. semester (haust): TEAT301 og TEAT302
2. semester (vår): http://www.uib.no/emne/TEAT303TEAT303 og anten TEAT311,
TEAT312 eller TEAT313
3. semester (haust): TEAT350
4. semester (vår): http://www.uib.no/emne/TEAT350TEAT350
Studiestader
Bergen
Delstudium i utlandet
Undervisningsmetodar
Undervisingsformene involverer forelesing, seminar og rettleiing. Det vert forventa at studentane tar aktivt del i dei fleste emna, i form av skiftlege og munnlege presentasjonar..Sjå dei einskilde emneplanane for meir informasjon.
Vurderingsformer
For dei obligatoriske emna og valemna vert ulike vurderingsformer som seminarinnlegg, skuleeksamen, heimeeksamen og prosjektskisse nytta.
Masteroppgåva skal vere på mellom 70 og 110 sider. Etter innlevering og sensur av masteroppgåva, framstiller kandidaten seg for ei justerande munnleg prøve.
Sjå dei einskilde emneplanane for meir informasjon.
Karakterskala
Karakterskala på emna i programmet er anten bestått/ikkje bestått eller bokstavkarakterar A-F. Sjå emneomtalen for det einskilde emnet for nærare informasjon.
Vitnemål og vitnemålstillegg
Vitnemål blir skrive ut etter at graden er fullført.
Grunnlag for vidare studium
Masterstudiet i teatervitskap kan danne grunnlag for ei vidare forskarutdanning (ph.d) innanfor dei teatervitskaplege fagområda.
Relevans for arbeidsliv
Gjennom masterstudiet i teatervitskap vert det utdanna kompetente teatervitarar som skal kunne gå inn i yrkesfunksjonar innan praktisk teater som dramaturgi, formidling, teaterkritikk og ulike funksjonar knytt til offentleg kulturadministrasjon. Studiet skal i vidare forstand gi kandidatane grunnlag for livslang læring og spesialisering.
Evaluering
Masterprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringer finn ein på kvalitetsbasen.uib.no
Programansvarleg
Programstyret for teatervitskap har ansvar for fagleg innhald og oppbygging av studiet og for kvaliteten på studieprogrammet.
Administrativt ansvarleg
Det humanistiske fakultet v/ institutt for lingvistiske, litterære og estetiske studium (LLE) har det administrative ansvaret for studieprogrammet.
Kontaktinformasjon
Ta gjerne kontakt med studierettleiar på programmet dersom du har spørsmål: mailto:Studierettleiar@lle.uib.noStudierettleiar@lle.uib.no
Tlf 55 58 24 00
Søknadsprosedyre
Du søkjer opptak til Det humanistiske fakultet. Søknadsfristen er 15. april for studiestart i august. Meir informasjon om opptak og søknadsprosedyrar finn du på http://link.uib.no/?1QO0l
Mål og innhald
Masterstudiet i teatervitskap skal være forankra i ei humanvitskapleg og estetisk-hermeneutisk fagtradisjon. Gjennom studiet skal studenten få fordjupa forståing for teater som kunstnarisk uttrykk i samfunnet. Studiet skal gje innsikt i og forståing av nyare teoriar og metodar i teatervitskapen. Studiet skal gje god innsikt i vitskaplege problemstillingar og metodar i forhold til faget sine systematiske område.
Opptaksgrunnlag
Studiet byggjer på fullført bachelorgrad eller tilsvarande utdanning teken i Noreg eller utlandet. Bachelorstudiet må omfatte ei spesialisering i teatervitskap på minst 90 studiepoeng. Du kan søkje instituttet om å få godkjent inntil 30 av desse studiepoenga frå nærliggjande fagområde.
Metode
Masteroppgåva i teatervitskap kan omhandle eit historisk, praktisk-dramaturgisk, framsyningsanalytisk eller teoretisk emne, og ein må nytte seg av adekvate metodar i oppgåva.
Masteroppgåve
Masteroppgåva skal skrivast innanfor eit sjølvvald emne og byggjer på bestått TEAT302 Prosjektskildring. Rettleiaren skal følgje skriveprosessen og gi råd og tilbakemeldingar etter avtale, men du skal sjølvstendig, kritisk og metodisk arbeide masteroppgåva fram til eit vitskapleg bidrag til faget. Omfanget av oppgåva er normalt på 70-110 sider. Rettleiing i masteroppgåva er obligatorisk.
Oppbygging av studiet
Masterprogrammet i teatervitskap er bygd opp med ein kursdel på 60 sp og ei masteroppgåve på 60 sp. I kursdelen er det 45 sp med obligatoriske emne og 15 sp med eit valfritt emne.Obligatoriske emne er TEAT301 Teaterhistorie, historiografi og vitskapsteori, TEAT302 Prosjektskildring, TEAT303 Teoretisk fordjuping i eit systematisk område og TEAT350 Masteroppgåve. Masteroppgåva skal vere basert på bestått TEAT302 Prosjektskildring og rettleiar vert tildelt etter bestått eksamen på emnet. Valfrie emne er TEAT311 Seminarinnlegg innafor sjølvvalt område, TEAT312 Innlegg på ekskursjon organisert av seksjonen, og TEAT313 Prosjektarbeid i feltet.
Eit masterprogram i teatervitskap kan sjå slik ut:
1. semester:
TEAT301 - Teaterhistorie, historiografi og vitskapsteori, 15 sp
TEAT302 - Prosjektskildring 15 sp
2. semester:
TEAT303 - Teoretisk fordjuping i eit systematisk område 15 sp
Valfritt emne:TEAT313 - Prosjektarbeid i feltet eller
TEAT312 - Innlegg på ekskursjon organisert av seksjonen 15 sp
3. og 4. semester:
TEAT350 - Masteroppgåva. 60 sp
Yrkesvegar
Masterprogrammet i teatervitskap kvalifiserer blant anna for arbeid innan praktisk teaterarbeid, undervisning, forsking og kulturadministrasjon.
Oppstart
Haust. Det kan bli aktuelt å ta opp studentar også til vårsemesteret. Kontakt instituttet for informasjon.
Planforslag
Studentar som vert tekne opp som masterstudentar skal underteikne kontrakt med det historisk-filosofiske fakultet. Kontraktane regulerer studenten sine rettar og plikter som masterstudent. Studentar som vert tatt opp på masterstudiet plikter å sette seg inn i kontraktvilkåra.
Masterstudiet er eit fulltids studium over fire semester.
Når studentane har avlagt eksamen i TEAT302 får dei tildelt rettleiar. Tildeling av rettleiar skal normalt finne stad ved slutten av fyrste semester. Studentane har rett og plikt til å ta imot rettleiing i inntil fire semester. Vilkåra for rettleiing finn ein i ein eigen kontrakt som student og rettleiar underskriv.
Organisering av dei enkelte studiekomponentar i studieløp over fire semester vert foreslått slik ved opptak om hausten:
1.semester HAUST: TEAT301, TEAT302
2.semester VÅR: TEAT303, TEAT350
3.semester HAUST: TEAT3XX, TEAT350
4.semester VÅR: TEAT350
Alternativt studieløp for studentar som tas opp om våren:
1.semester VÅR: TEAT303, TEAT3XX
2.semester HAUST: TEAT301, TEAT302
3.semester VÅR: TEAT350
4.semester HAUST: TEAT350
Meir informasjon
studierettleiar@lle.uib.no / 55 58 93 81