Avhengnad av rusgifter, penge og dataspel, og anna påskjøningsstyrt åtferd utgjer store samfunnsmessige helseutfordringar. Slik avhengnad skaper uheldige konsekvensar både for einskildindivid, familiar og for samfunnet som heilskap. Kurset skal gje eit integrativt oversyn over moderne teoriar om mekanismane som har med rusmisbruk og avhengnad å gjere.

Kurset skal gje ei innføring i dei fylgjande emna:

• Overordna forskingsperspektiv på forebygging og behandling av avhengnad.
• Psykologiske/ fysiologiske (lagt til) prosessar involvert i avhengnad.
• Betydinga av samfunnsnormer, politikk og lovgjeving for avhengnad.
• Prevalens og korrelat og noverande kunnskap om status relatert til ulike kjemiske og ikkje-kjemiske avhengnader.
• Spesifikke forskings- og vurderingsmetodar i fagfeltet for avhengnad.

Etter fullført emne skal studenten¿:

Kunnskap:

• Kjenne til viktige teoretiske tilnærmingsmåtar for å forstå avhengnad og rusmisbruk.
• Vite om sårbarheit og beskyttande faktorar i tillegg til konsekvensar for rusmisbruk og avhengnad.
• Vite om prevalens og demografisk fordeling av ulike typar avhengnad og rusmisbruk.
• Ha kunnskap om spesifikke og felles kjenneteikn på avhengnad, slik som avhengnad til alkohol, nikotin, narkotika, rusmiddel på resept, speleavhengnad og andre typar åtferdsavhengnad.
• Vite om ulike forskingsmetodar som er relevante for fagfeltet avhengnad og rusmisbruk.

Dugleik:

• Kunne nytte kunnskap om rusmisbruk og avhengnad til å skilje mellom sunne og usunne mønster i åtferd og rusbruk.
• Diskutere og drøfte viktige teoretiske tilnærmingsmåtar til utviklinga av rusmisbruk og avhengnad.

Generell kompetanse:

• Kunne bruke grunnleggjande forskingsmetodar for å studere rusmisbruk og avhengnad.
• Kunne identifisere kunnskapshol og drive nytenking om forsking på avhengnad som kan fylle desse hola.
• Kunne bruke eksisterande kunnskap om korleis ein kan tilnærme seg nye, framveksande avhengnadsfelt.

Ni dobbelttimar, to kvar veke (18 timar med førelesing).

Laboratoriedemonstrasjon 2 timar.

Seminar med representantar frå brukargrupper, behandlingsinstitusjonar og interessegrupper i fagfeltet rusmisbruk, 4 timar.

Skuleeksamen (3 timar). Studenten skal svare på 2 av 3 oppgåver.

Tilrådd litteratur, sjå nettsider under Mi Side.

Den tilrådde litteraturen omfattar om lag 500 sider.

For meir informasjon, ver god å ta kontakt med studierettleiar/ informasjonssenter:

Tlf: 5558 2710

E-post: studieveileder.psyfa@uib.no