Gjennom forskingspraksis skal masteroppgåva gje studentane djupare innsikt i teori og empiri på eit avgrensa område, samt kompetanse i det å utvikle, planleggje og gjennomføre eit forskingsprosjekt.

Gjennom arbeidet med eit forskingsprosjekt skal studentane utvikle sine evner til ei kritisk handsaming av avgrensa problemstillingar ved hjelp av vitskaplege metodar. I denne forskingspraksisen vert det òg lagt stor vekt på oppgåveløysing gjennom samarbeid studentane imellom. Det vert stilt krav til ei skriftleg framstilling i tråd med APA-standarden.  

Etter fullført emne skal studenten kunne/vise¿:

Kunnskap:

• Analysere forholdet mellom tema, forskingsspørsmål og forskingsdesign.
• Velje adekvat forskingsdesign gitt problemstillingar og rammefaktorar som tid og økonomi.
• Demonstrere breidd og fordjuping i kunnskapar innanfor temaområdet i prosjektet.

Dugleik:

• Utvikle, planleggje og gjennomføre eit forskingsprosjekt, samt formidle resultat frå prosjektet.
• Gje ei klar og presis skriftleg framstilling av forskingsarbeidet.
• Vurdere og grunngje bruk av forskingsdesign.
• Demonstrere korrekt oppbygging av eit vitskapleg arbeid etter APA-standarden, korrekt bruk av kjelder, korrekt presentasjon av referansar og bruk av relevante litteraturdatabasar.

Generell kompetanse:

• Reflektere om forskarrolla i innsamling og bruk av data.
• Reflektere om etiske forhold i høve til bruk og tolking av eigne data, kjelder og sitering.
• Utvikle prosjektskisser og gjennomføre forskingsprosjekt.
• Reflektere om forfattarskap og medforfattarskap i vitskapleg arbeid.

Emnet består av tre element:

• Prosjektskisse på 10 sider
• Masteroppgåve (50-60 sider)
• Formidlingsdel i form ein vitskapleg presentasjon av eige prosjekt på avslutningskonferansen for masterstudiet.

Mastergradsoppgåva skal skrivast i tråd med APA-standarden (A-4, 1,5 linjeavstand, venstre-, topp-, og botnmarg, minst 2,5 cm). Referanseliste og appendiks kjem i tillegg. Omfanget skal vere på 50-60 tekstsider (rettleiande). Oppgåva skal skilje seg frå artikkelforma ved at innleiinga har ein breiare gjennomgang av litteraturen og ein meir omfattande presentasjon av bakgrunn og problemstillingar enn det som kjenneteiknar artikkelformatet. Like eins skal diskusjonen vere meir inngåande enn det som er vanleg for artikkelformatet. Dei andre delane av oppgåva skal følgje APA-standarden. Dvs. at det skal vere eit samandrag på norsk og på engelsk, kvart på om lag 200 ord. MA-oppgåva kan òg skrivast på engelsk.

Masteroppgåva kan skrivast individuelt eller saman med ein annan student.

Det vert forventa at forfattarane, der det er meir enn éin, medverkar med tilnærma likeverdig innsats i arbeidet.

Rettleiinga er regulert gjennom ein nærare spesifisert rettleiingsavtale. Delar av rettleiinga kan bli gitt i grupper.

Prosjektplan: Studentane skal under rettleiing skrive ein prosjektplan for masteroppgåva på inntil 10 sider. Prosjektplanen skal gjere greie for prosjektet sitt temaområde, problemstilling, metode, datahandsaming eller analyseform, forskingsetiske vurderingar og tidsramme.

Frist for å levere prosjektplan er 15. oktober for studentar som startar på masteroppgåva i haustsemesteret og 15. mars for studentar som startar på masteroppgåva i vårsemesteret. Prosjektplanen blir vurdert som godkjend/ ikkje godkjend.

Formidling: Studentane skal gjennomføre ein vitskapleg presentasjon av eige prosjekt i form av eit innlegg over 30 min. på avslutningskonferansen for masterstudiet. Presentasjonen skal være i form av ein munnleg framføring.

Masteroppgåva blir vurdert av ein komité på to fagpersonar, éin skal vere ekstern og éin intern.

Karakter vert fastsett på grunnlag av det skriftlege arbeidet.

På den skriftlege MA-oppgåva blir det sett ein felles karakter for alle kandidatar. Ved fastsetjing av karakter på det skriftlege arbeidet blir det nytta ein gradert karakterskala frå A til F. Det vert gjeve ei tilbakemelding på oppgåva til kandidatane i fellesskap etter karakterfastsetjinga.

Masteroppgåva skal leverast elektronisk på Mi side. Studenten kan levere inn masteroppgåva når den er ferdig, likevel innan fristen for normert studietid. Studenten skal normalt ha stått på eksamen i fellesdelen og i den fagspesifikke delen før innlevering av masteroppgåva.

For meir informasjon, ver god å ta kontakt med studierettleiar/ informasjonssenter:

Tlf: 5558 2710

E-post: studieveileder.psyfa@uib.no