Emner: MATDID230-P Representasjoner, generalisering og abstraksjon i matematikkundervisningen - Vår 2018
Undervisningsspråk
Norsk
Undervisningssemester
Haust
Undervisningsstad
Mål og innhald
Emnet tek sikte på å vidareutvikle studentens ferdigheiter og kunnskapar innan matematikkdidaktikk med utgangspunkt i artiklar og annan relevant litteratur. Gjennom arbeidet med emnet skal studenten bli kjent med matematikkdidaktisk forsking med tanke på å kunne nyttegjere seg denne kunnskapen i eigen undervisningspraksis.
Det vil bli fokusert på følgjande tema:
- Varierte representasjonar i matematikkundervisninga
- Abstraksjon og generalisering
- Undervisning og læring av tall, algebra og funksjonar
- Bruk av digitale verktøy (GeoGebra)
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten
- har kunnskap om bruk av ulike matematiske representasjonar i undervisninga
- har kunnskap om å leggje til rette for at elevar kan generalisere og abstrahere
- har kunnskap om undervisning og læring av tal og algebra
- kan gjere greie for utvalde eksempel på matematikkdidaktisk forsking knytt til bruk av representasjonar, generalisering og abstrahering og undervisning og læring av tal, algebra og funksjonar
Ferdigheiter
Studenten kan
- sette seg inn i matematikkdidaktisk litteratur
- planleggje varierte undervisningsopplegg blant anna med fokus på tal, algebra eller funksjonar basert på eigna teori og forsking der varierte representasjonar og/eller generalisering og abstrahering står sentralt
- bruke digitale verktøy i undervisning av algebra og funksjonar
Generell kompetanse
Studenten skal bli i stand til å
- presentere forsking munnleg og framstille denne slik at ei matematikkdidaktisk problemstilling vert klargjort
- Bruke matematikkdidaktisk kunnskap i planlegging, gjennomføring og refleksjon over eiga undervisning
Krav til forkunnskapar
Ingen
Krav til studierett
For oppstart på emnet er det krav om studierett på PPU heltid.
Arbeids- og undervisningsformer
Undervisninga vert gjeve i form av seminar, samt individuell eller gruppevis rettleiing.
Obligatorisk undervisningsaktivitet
Oppmøte på tre seminar
(gyldig tre semester)
Vurderingsformer
Seminarpresentasjon og utspørjing
Vurderingssemester
Det er ordinær eksamen kvart semester
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.
Kontaktinformasjon
Studierettleiar kan kontaktast her: Studierettleiar@math.uib.no
Tlf: 55 58 28 41
Institutt
Det matematisk naturvitskapelege fakultet v/ Matematisk institutt har det administrative ansvaret for emnet